ޖަރުމަންގެ ވޫޒްބާގްގައި ކޯރާޑީއަކުން ފަސް މީހަކު ޒަޚަމް ކުރުމުގެ ހާދިސާ ހިނގައި ދިޔަތާ ކުޑަ ދުވަސްކޮޅެއްގެ ތެރޭގައި އަނެއްކާ ވެސް އެފަދަ ޓެރަރިސްޓު ހަމަލާއެއް ދީފި އެވެ.
އަންބެސްކް ނަމަކަށް ކިޔާ ރަށެއްގައި ބޭއްވި މިއުޒިކް ޝޯއެއްގެ ތެރޭގައި ބެކްޕެކް ދަބަހަކުން ގޮއްވާލަން އުޅުނު މި ގޮއްވުން ވަނީ ކާމިޔާބު ނުކުރެވިފަ އެވެ.
ބޮން ގޮއްވި ޓެރަރިސްޓު މީހާ ވަނީ ދަބަސް ތެރޭގައި އޮތް ބޮން ފެސްޓިވަލްގެ ތެރެއަށް ވަނުމުގެ ކުރިން ޑެޓޮނޭޓު ކޮށްފައެވެ. ނަމަވެސް އޭނާ އަށް މީހުންގެ ތެރެއަށް ނުވަދެނިކޮށް ބޮން ވަނީ އޭނާ އާ އެކު ގޮވައިފަ އެވެ.
މި ހާދިސާގައި ބޮން ގޮއްވި މީހާ މަރުވެ އިތުރު 12 މީހަކަށް ވަނީ އެކިވަރުގެ އަނިޔާވެފަ އެވެ. ނަމަވެސް އިތުރު މީހަކު މަރުވެފައެއް ނުވެ އެވެ.
ވޫޒްބާގްގައި މިދިޔަ ހޯމަ ދުވަހު ކޯރާޑީއަކުން ހަމަލާދީފައިވާއިރު ހުކުރު ދުވަހު ވެރިރަށް މިއުނިކްގައި ބަޑީގެ ހަމަލާއެއްގައި ނުވަ މީހަކު މަރާލާފައިވެ އެވެ.
ނަމަވެސް މިއީ ޓެރަރިސްޓް ހަމަލާއެއް ނޫން ކަމަށް އެ ގައުމުގެ ފުލުހުންނާ ހަވާލާދީ މީޑިއާ ވަނީ ރިޕޯޓްކޮށްފަ އެވެ.
ޖަރުމަންގެ ޓެރަރިސްޓު ހަމަލާތައް ގިނަވަމުން އަންނަ އިރު އެ ގައުމުގައި ދިރިއުޅޭ ދިވެހިން ތިބީ ބިރުވެރި ކަމެއްގެ ތެރޭގަ އެެވެ.