ލޯކަލް ގަވަމަންޓް އޮތޯރިޓީ (އެލްޖީއޭ) ގެ ރައީސްކަމުގެ މަގާމަށް ހޯމް މިނިސްޓަހު އަހުމަދު ޒުހޫރު އިންތިހާބު ކުރައްވައިފި އެވެ.
އޭނާ އެ މަގާމަށް އިންތިހާބު ކުރީ މިއަދު ބޭއްވި އެލްޖީއޭގެ ނުވަ ވަނަ ބައްދަލުވުމުގައި ހަތް މެމްބަރުންގެ ތެރެއިން ހަ މެމްބަރުންގެ ވޯޓާ އެކުގަ އެވެ.
ނުވަ މެމްބަރުން ތިއްބަވާ އެލްޖީއޭގެ ބޯޑްގެ ރައީސްގެ މަގާމަށް ކުރިމަތިލެއްވީ ވެސް ހަމައެކަނި ޒުހޫރެވެ.
ކައުންސިލްތަކުގެ ބެލެނިވެރި ފަރާތް ކަމަށްވާ އެލްޖީއޭގެ ރައީސް ކަމުގެ މަގާމު ހުސްވީ ކުރިން އެ މަޤާމުގައި ކުރިން ހުންނެވި ކުރީގެ ހޯމް މިނިސްޓަރު ޢުމަރު ނަޞީރު ވަޒީރުކަމުގެ މަޤާމުން އިސްތިޢުފާ ދެއްވުމުންނެވެ.
ހޯމް މިނިސްޓަރު އެލްޖީއޭގެ މެންބަރެއްގެ ގޮތުގައި އިންނަަވަނީ އެ އޮތޯރިޓީގެ މެންބަރުކަމަށް ރައީސް ޢައްޔަން ކުރައްވާ މެންބަރުގެ ހައިސިއްޔަތުންނެވެ.
އެލްޖީއޭގެ މާޒީ އަށް ބަލާއިރު އާންމުކޮށް އެ އޮތޯރިޓީގެ ރައީސްކަމުގެ މަގާމަށް އިންތިހާބު ކުރެވެނީ ހޯމް މިނިސްޓަރުކަން ފާހަގަ ކުރެވެ އެވެ.