ރައީސް އަބްދުﷲ ޔާމީންގެ ސަރުކާރުގެ އަނިޔާވެރިކަމުން މިންޖުވާން އެދި މިއަދުގެ ހުކުރު ނަމާދަށް ފަހު ހިތަދު އާއި ފޭދޫގައި އިސްކޮށް ދުއާކޮށްގެން ހައްޔަރު ކުރި ގާނޫނީ ވަކީލް އިބްރާހީމް ނަޖީބާއި ހިތަދޫގެ ކުރީގެ ކައުންސިލަރު ހުސައިން ފަހުމީ ދޫކޮށްލައިފި އެވެ.
"އައްޑޫ ލައިވް" އަށް އެނގިފައިވާ ގޮތުގައި އެ މީހުން ދޫކޮށްލީ މިސްކިތުގެ ބޭރުގައި ދުޢާ ނުކުރުމަށް ނަސޭޙަތްތެރި ވުމަށް ފަހުގަ އެވެ.
އައްޑޫގައި މިއަދުގެ ހުކުރު ނަމާދަށް ފަހު އަނިޔާވެރިކަމުން މިންޖުވުމަށް އެދި ދުޢާ ކުރުން ކުރިއަށް ގެންގޮސްފައި ވަނީ ހިތަދޫ ފަޒާ މިސްކިތާއި ފޭދޫ ބޮޑު މަގުގައި ހުންނަ ހުކުރު މިސްކިތުގަ އެވެ.
މިއީ އަނިޔާވެރިކަމާ ދެކޮޅަށް އިދިކޮޅު ފަރާތްތަކުން އައްޑޫގައި ހުކުރު ނަމާދަށް ފަހު ދުއާ ކުރި ފުރަތަމަ ފަހަރެވެ.