ލ. ކައްދޫ އާއި ފޮނަދޫ ގުޅާލަދޭ ހަނދުންމަތީ ލިންކް ރޯޑުގައި ނުރައްކާތެރި އެކްސިޑެންޓެއް ހިނގައިފިއެވެ.
މިއަދު ހަވީރު 4:15 ހާ އިރު ހިނގި މި އެކްސިޑެންޓްގައި ހިނގާފައި ވަނީ ބާރު ސްޕީޑެއްގައި ދުއްވާފައިދިޔަ ސައިކަލެއް ކޮންޓްރޯލް ނުވެ، މަގުގެ އަރިމަތީގައި ހުރި ލައިޓްޕޯލްއެއް ގައި ޖެހިގެންނެވެ.
މިހާދިސާގައި ދެމީހުންވެސް ވިއްސައިގެން ގޮސް ޖެހިފައިވަނީ މޫދުގައިކަމަށް މައުލޫމާތު ލިބެއެވެ.
މިހާދިސާގައި އަނިޔާވި ދެމީހުންނަށް ލ. ގަން ރީޖަނަލް ހޮސްޕިޓަލުން ފަރުވާ ދެމުން އަންނަ އިރު އެކަކުގެ ހާލު ސީރިއަސް ކަމަށް ހަބަރުލިބެއެވެ.
މިމައްސަލަ މޯލްޑިވްސް ޕޮލިސް ސާވިސްއިން އިތުރަށް ދަނީ ތަހްގީގު ކުރަމުންނެވެ.