ކުރީގައި ފައިސާގެ ގޮތުގައި ބޭނުން ކުރަމުން އައި ނޫޓު ތަކުގެ ތެރެއިން ފަސް ރުފިޔާ ފިޔަވައި އެހެން ނޫޓުތައް ބޭނުން ކުރެވޭނެ އެންމެ ފަހު ދުވަހަކީ މިއަދެވެ.
އެމްއެމްއޭ ގެ އިންފޮމޭޝަން އޮފިސަރު ވިދާޅުވެފައިވަނީ 5ރ. ފިޔަވައި އެހެން ނޫޓުތައް ތިއްބެވި ބޭފުޅުން ވީހާވެސް އަވަހަކަށް އެނޫޓު ބެންކާ ހަވާލުކޮށް ދެއްވުމަށެވެ.
މާދަމާ، 1 އޮގަސްޓު 2016 އިން ފެށިގެން އެ ނޫޓުތަކުން(5 ރުފިޔާ ފިޔަވައި) ރާއްޖޭގައި ފައިސާގެ ގޮތުގައި އެއްވެސް މުއާމަލާތެއް ނުކުރެވޭނެ އެވެ.
ނަމަވެސް މިއަހަރުގެ ޑިސެމްބަރު 31 ވަނަ ދުވަހާއި ހަމައަށް ބެންކުން އެ ނޫޓުތައް ފަހުގެ ނޫޓަށް ބަދަލުކޮށްދޭނެއެވެ.
އެމްއެމްއޭ އިން މައުލޫމާތު ދެމުން ވިދާޅުވެފައިވަނީ ކުރީގެ ނޫޓުތަކުގެ 91.5 އިންސައްތަ މިހާރު އެބޭފުޅުންނަށް ލިބިފައިވާ ކަމަށާއި ބާކީ ނުލިބި ހުރި 8.5 އިންސައްތަ ފައިސާ ބޭންނު ނުވަތަ އެމްއެމްއޭ އާ ހަވާލުކުރުމުން ފަހުގެ ފައިސާ ލިބޭނެއެވެ.
ބޭންކުން މިއަހަރުގެ ނިޔަލަށް ފައިސާ ބަދަލު ކުރެވޭއިރު އެމްއެމްއޭ އިން 2021 ވަނަ އަހަރުގެ ޑިސެމްބަރު މަހުގެ 31 ވަނަ ދުވަހާ ހަމައަށް ކުރީގެ ނޫޓު ފަހުގެ ނޫޓާ ބަދަލުކޮށްދޭނެއެވެ.