ދިވެހިންގެ ތެރޭގައި އާފަލު ސިޑާ ވިނިގާއަކީ އެހާ އާންމު އެއްޗަކަށް ފަހަރުގައި ނުވެދާނެ އެވެ. އެކަމަކު މިއީ މިހާރު ފަސޭހަކަމާ އެކު ބާޒާރުން ލިބެން ހުރި އެއްޗެކެވެ.
އެހެންވެ ކެއުމުގެ އާދަތަކުގެ ތެރޭގައި ކޮންމެވެސް ގޮތަކަށް އާފަލު ވިނިގާގެ ބޭނުން ކުރުން ރަނގަޅެވެ.
ސިއްހީ ތަޖުރިބާކާރުން ބުނަނީ އާފަލު ވިނިގާއަކީ ސިއްހީ ގޮތުން އެތައް ފައިދާއެއް ލިއްބައިދޭ އެއްޗެއް ކަމަށެވެ.
އާފަލު ވިނިގާގެ ފައިދާތަކަށް ބަލާ އިރު މިއީ ބަރުދަން ވެސް ލުއިކޮށް ދޭން އެހީތެރިވެދޭ އެއްޗެކެވެ.
ސިއްހީ ތަޖުރިބާކާރުން ބުނަނީ އާފަލު ސިޑަ ވިނިގާ ބޭނުން ކުރާ ނަމަ ބަނޑުފުރުމުގެ އިހުސާސް ކުރެވި ކެވޭލެއް މަދުވާނެ ކަމަށެވެ.
މީގެ ސަބަބުން ނިކުންނަ ނަތީޖާއަކީ ބަރުދަން ލުއިވުމެވެ.
ހަމަ މިއާ އެކު އާފަލު ވިނިގާ ބޭނުން ކުރާ ނަމަ ހަކަތަ އިތުރުކޮށްދެ އެވެ. އޭގައި ގިނަ އަދަަދަކަށް ވިޓަމިން އޭ،ބީ އަދި އީ އެކުލެވިގެންވާތީ ހަކަތައް ލިއްބައި ދޭން ބާރަަކަށްވެ އެވެ.
ރޯގާ ޖެހި ކަރުތެރެ ހަލާކުވެފައިވާ ނަމަ ވެސް، އާފަލު ވިނިގާއަކީ ރަނގަޅު ފަރުވާއެކެވެ. ފެންފޮދެއްގެ ތެރެއަށް ވިނިގާ އަޅައިގެން ބޯލުމުން ލުއިކޮށްދެ އެވެ.
ބަނޑުގެ މައްސަލަތަކަށް ވެސް އާފަލު ވިނިގާއަކީ ރަނގަޅު އެއްޗެކެވެ. އެ ބޭނުން ކުރުމުން ބަނޑުގައި އުފެދޭ ގޯސް ބެކްޓީރިއާތައް މަރާލައި، ބަނޑުގައި އުފެދޭ އިންފެކްޝަސް ހުއްޓުމަކަށް ގެނުވަ އެވެ.