ވިލުފުށީ ދާއިރާގެ މެމްބަރު ރިޔާޒް ރަޝީދު އިއްޔެ ތ. ކިނިބިދޫ އަށް ވަޑައިގަތުމުން ހުރަސް އަޅައި ހަމަނުޖެހުން ހިންގަން އެއްވެސް ބަޔަކަށް އަންގާފައި ނުވާނެކަމަށާއި އެއް އިރެއްގައިވެސް އެފަދަ ކަމަކަށް ތާއިދު ނުކުރައްވާ ކަމަށް ކުރީގެ ކަމިޝްނާ އޮފް ޕޮލިސް އަދި ކިނބިދޫ ދާއިރާގެ މެމްބަރު އަބްދުﷲ ރިޔާޒް ވިދާޅުވެއްޖެ އެވެ.
އަބްދުﷲ ރިޔާޒް މިރޭ "އައްޑޫލައިވް" އަށް ވިދާޅުވީ، ރިޔާޒު ރަޝީދު އޭނާ އާއި ގުޅޭ ގޮތުން މީިޑިޔާގައި ދައްކާފައިވާ ވާހަކަ ތަކަކީ މި ދަތުރުގައި ކިނިބިދޫއަށް ވަޑައިގަތުމުން ރައްޔިތުން ތިބި ގޮތް އެނގުމުން އެމަނިކުފާން ޖަޒްބާތުގައި ޖެހިވަޑައިގެން ދެއްކެވި ވާހަކަފުޅެއް ކަމަށެވެ.
އަބްދުﷲ ރިޔާޒް ވިދާޅުވީ، ރިޔާޒް ރަޝީދަށް ހުރަސް އަޅަން ބަޔަކު ފޮނުވަން ޖެހޭ އެއްވެސް ސަބަބެއް ނެތް ކަމަށާއި، އެފަދަ ކަންކަމަށް ދުވަހަކުވެސް ތާއިދެެއް ނުކުރައްވާނެ ކަމަށެވެ.
"ރިޔާޒް ރަޝީދު އާއި ރަށުގެ ރައްޔިތުންގެ ތެރެއިން ބަޔަކު މީހުންނާއި ޖެހިގެން އުޅޭ މައްސަލަ ހައްލުކޮށްދެވޭނީ ރިޔާޒު ރަޝީދުއަށް، އެންމެ ރަނގަޅު ގޮތަކީ ރައްޔިތުންގެ ތެރެއިން ގިނަ ބަޔަކު އެގަބޫލް ކުރާ ގަބޫލް ކުރުން ހަމައަކަށް އެޅުވުން، އެއީ އަޅުގަނޑާއި ބެހޭ ކަމެއްނޫން"
ރިޔާޒް ރަޝީދު މިއަދު ވިދާޅުވީ، ކިނބިދޫއަށް އެބޭފުޅާ ވަޑައިގަތީ ސަރުކާރުން އެރަށައް ކޮށްދެއްވަން ނިންމަވާފައިވާ ބޮޑެތި މަޝްރޫއުތައް އަބްދުﷲ ރިޔާޒު އާއި ހެދި ނުފެށި ލަސްވަމުންދިއުމާއި ގުޅިގެން އެކަންކަން ބައްލަވާލެއްވުމަށް ކަމަށެވެ. އަދި މިދަތުރުގައި ކިނބިދޫ ދާއިރާގެ ރައްޔިތުންގެ ފަރާތުން ހޫނު ތަރްހީބެއް ލިބުނު ކަމަށެވެ.
އަދި ރަށުގެ އެއްވެސް ޖަމިއްޔާއަކަށް ދޭން ޖެހޭ ފައިސާއެއް ނުދީ ނުހުންނާނެ ކަމަށް ރިޔާޒު ރަޝީދު ވިދާޅުވިއެވެ.