ކްރިމިނަލް ކޯޓުގެ ވަގުތީ ގޮތުން ހިންގެވުމާ ހަވާލުވެ ހުންނެވި ގާޒީ އަބްދުލް ބާރޫ ޔޫސުފް އެ ކޯޓްގެ އިސް ގާޒީއަކަށް ހަމަޖައްސައިފި އެވެ.
ބާރީ އިސް ގާޒީ ކަމަށް ހަމަޖައްސާފައި ވަނީ ކުރިން އެ ކޯޓްގެ އިސް ގާޒީ އަކަށް ހުންނެވި އަބްދުﷲ މުހައްމަދު (އަބްދުﷲ ގާޒީ) ފެމިލީ ކޯޓަށް ބަދަލު ކުރުމަށް ޖުޑީޝަލް ސާވިސް ކޮމިޝަން (ޖޭއެސްސީ) އިން ނިންމައި އެ ކޯޓަށް ބަދަލު ކުރުމުން ކްރިމިނަލް ކޯޓުގެ އިސް ގާޒީގެ މަޤާމު ހުސްވެފައި އޮތުމުންނެވެ.
އޭނާ އެ ކޯޓްގެ އިސް ގާޒީއަކަށް ހަމަޖެއްސުމުގެ އިތުރުން ޖޭއެސްސީން ވަނީ ސިވިލް ކޯޓުގެ އިސް ގާޒީއަކަށް ގާޒީ ޢަބްދުﷲ އަލީ ހަމަޖައްސައިފަ އެވެ.