ޒުވާން ދެ ތަރިން ކަމަށްވާ ކެޓްރީނާ ކެއިފާއި ސިދާތު މަލްއުތުރާ ލީޑް ރޯލުން ފެނިގެންދާ ފިލްމް "ބާރް ބާރް ދޭކޯ" ގެ ޓްރެއިލާ ލޯންޗްކޮށްފި އެވެ.
މިއީ މި ދެ ތަރިން އެކުގައި ފިލްމަކުން ފެނިގެންދާ ފުރަތަމަ ފަހަރެވެ.
"ބާރް ބާރް ދޭކޯ" އަކީ ކަރަން ޖޯހަރްގެ ދަރްމާ ޕްރޮޑަކްޝަނާއި ފަރްހާން އަހްތަރުގެ އެކްސެލް އެންޓަޓައިންމަންޓް ގުޅިގެން އުފައްދާފައިވާ ލޯބީގެ ފިލްމެކެވެ.
ފިލްމުގެ ޓްރެއިލާ ބެލި ގިނަ ބަޔަކު ވަނީ ކެޓް އާއި ސިދްގެ ކެމިސްޓްރީ ވަރަށް ސަޅި ކަމަށާއި ފިލްމް ބަލާލަން ކެތްތެރިކަން ކުޑަވެފައިވާ ކަމަށް ބުނެފަ އެވެ.
ޒުވާން އަދި އެހާމެ ރީތި ޖޯޑެއް ސްކްރީނަށް އައުމަކީ ފިލްމަށް އިންތިޒާރު ކުރެވޭ އެއް ސަބަބު ކަމަށް ބައެއް މީހުން ބުނެފައިވެ އެވެ.
"ބާރް ބާރް ދޭކޯ" ޑައިރެކްޓްކޮށްފައި ވަނީ އަލަށް ޑައިރެކްޝަނަށް ނިކުތް ނިތިޔާ މެހެރާ އެވެ.
މި ފިލްމް އަންނަ މަހުގެ ނުވައެއްގައި ރިލީޒް ކުރާ އިރު، ފިލްމުގައި ހިމެނޭ ލަވަ "ކާލ ޗަޝްމާ" ވެސް ވަނީ ޓްރެއިލާގެ ކުރިން ބެލުންތެރިންނަށް ދައްކާލައިފަ އެވެ.