މިއަދު ހަވީރު ކުޅުނު މައިލޯ އިންޓަ ސްކޫލް ފުޓްބޯޅަ މުބާރާތުގައި، އިރުޝާދިއްޔާ ސްކޫލް 2-1 ލަނޑުން ބަލިކޮށް ޝަރަފުއްދީން ސްކޫލްގެ 15 އަހަރުން ދަށުގެ ޓީމް ފައިނަލަށް ދަތުރު ކޮށްފިއެވެ.
މެޗްގައި ފުރަތަމަ ލަނޑު ޖަހައި ލީޑް ނެގީ އިރުޝާދިއްޔާ ސްކޫލުންނެވެ. އިރުޝާދިއްޔާގެ ގޯލު މެޗްގެ 19 ޖަހައި ލީޑް ނަގައިދިނީ މުހައްމަދު އަރުހަމް ޝަހީމްއެވެ. ފުރަތަމަ ހާފް ނިމުނީ 1-0ގެ ނަތީޖާއަކުން އިރުޝާދިއްޔާ ކުރީގަ އޮވެގެންނެވެ.
ޝަރަފުއްދީން ސްކޫލަށް ނަތީޖާ ހަމަހަމަކޮށްދިނީ 52 ވަނަ މިނިޓްގައި އެޓީމްގެ މެދުތެރެއަށް ކުޅެމުން ދިޔަ އަހްމަދު ހާމީ ނަޖާހުއެވެ. އޭގެ ހަ މިނިޓް ފަހުން ޝަރަފުއްދީން ސްކޫލަށް ލީޑު ނަގައިދިނީ އަހްމަދު ވިއާމް ޝާހިދްއެވެ.
މުބާރާތުގެ 15 އަހަރުން ދަށުގެ އުމުރު ފުރާގައި ވާދަ ކުރަނީ 4 ޓީމަކުންނެވެ. އެހެންވެ ފައިނަލަށް ދަނީ އެންމެ ގިނަ ޕޮއިންޓް ހޯދާ ދެޓީމެކެވެ. ޝަރަފުއްދީން ސްކޫލް ފައިނަލަށް ދަތުރުކޮށްފައިވަނީ ކުޅުނު ހުރިހާ މެޗަކުން މޮޅުވެގެންނެވެ. މި އުމުރުފުރައިން ފައިނަލްގެ ދެވަނަ ޖާގަ ނިމިގެންދާނީ ފޭދޫ ސްކޫލާއި، ހިތަދޫ ސްކޫލުން ކުޅޭ މެޗުގެ ނަތީޖާއިންނެވެ.
މާދަމާ މުބާރާތުގައި ކުޅޭނީ 13 އަހަރުން ދަށުގެ މެޗްތަކެވެ.