އައްޑޫގެ މަގުތައް ހަދާނެ ބަޔަކު ހޯދަން ބީލަމަށް

އައްޑޫގެ އަވަށްތަކުގެ އިތުރު މަގުތައް ރަނގަޅު ފެންވަރަަކަށް ހަދާނެ ބަޔަކު ހޯދަން ފިނޭންސް މިނިސްޓްރީން އިއުލާންކޮށްފި އެވެ.

މިނިސްޓްރީން ބުނީ ހިތަދޫ، ފޭދޫ، ހުޅުމީދޫ އަދި މަރަދޫ އާއި މަރަދޫފޭދޫގެ ރޯޑް ޕްރޮޖެކްޓްގެ މަސައްކަތް ކޮށް ދޭން ޝައުގުވެރިވާ ފަރާތްތަކަށް ބީލަން ހުށަހެޅުމުގެ ފުރުސަތު އަންނަ މަހުގެ 11 ވަނަ ދުވަހާ ހަމައަށް ހުޅުވާލާފައިވާ ކަަމަށެވެ.

ފިނޭންސް މިނިސްޓްރީން ބުނީ ހިތަދޫގެ ރޯޑް ޕްރޮޖެކްޓްގެ ބިޑް ސެކިއުރިޓީއަކީ 365،000ރ. ކަމަށާއި ފޭދޫގެ ރޯޑް ޕްރޮޖެކްޓްގެ ބިޑް ސެކިއުރިޓީގެ ގޮތުގައި 72،000 ދައްކަން ޖެހޭ ކަމަށެވެ. އަދި ހުޅުމީދޫގެ ރޯޑް ޕްރޮޖެކްޓްގެ ބިޑް ސެކިއުރިޓީގެ އަގަކީ 180،000ރ. އެވެ.

މީގެ އިތުރުން މަރަދޫ ރޯޑް ޕްރޮޖެކްޓްގެ ބިޑް ސެކިއުރިޓީއަކީ 57،000ރ. އެވެ. އަދި މަރަދޫފޭދޫގެ ރޯޑް ޕްރޮޖެކްޓްގެ ބިޑް ސެކިއުރިޓީގެ އަގަކީ 72،000ރ. އެވެ.

ބީލަމުގައި ބައިވެރިވާން ރަޖިސްޓްރީ ވާން ޖެހެ އެވެ. އަދި ރަޖިސްޓްރޭޝަން ފީއެއްގެ ގޮތުގައި 1،500ރ. ދައްކަން ޖެހެ އެވެ.

ފިނޭންސުން ބުނީ ޕްރޮޖެކްޓުގެ ބިޑް ސެކިޔުރިޓީ ކަނޑައަޅާފައިވާ އަދަދުތަކަށް ކޮންމެ މަސައްކަތަކަށް ވަކިން ހުށަހަޅަން ބިޑް ސެކިއުރިޓީ ޖެހޭނެ ކަމަށެވެ.

އަދި ޕަފޮމަންސް ސެކިއުރިޓީގެ ގޮތުގައި ކޮންޓްރެކްޓް އަގުގެ ފަސް ޕަސަންޓް ހުށަހަޅަން ޖެހެ އެވެ. ބީލަން ހުޅުވުން އޮންނާނީ އަންނަ މަހުގެ 12 ވަނަ ދުވަހު އެވެ.

އައްޑޫގެ އަވަށްތަކުގައި މިހާރު ވެސް ވަނީ ތާރު އަޅައިގެން ބައެއް މަގުތައް ހަދާފަ އެވެ.

އަލަށް ހަދަން ނިންމާފައިވާ މަގުތަކުގެ ސާވޭ ހައުސިން މިނިސްޓްރީން ވަނީ ހަދާފަ އެވެ.