އިސްލާމިކް ސްޓޭޓްގެ ނަމުގައި ހަރަކާތްތެރި ވަމުން އަންނަ ހައްދުފަހަނަޅާފައިވާ ހަނގުރާމަ ޖަމާއަތާއި ބައިވެރިވުމަށް ކެނެޑާ އަންހުނުން ދާ މިންވަރު އިތުރުވެފައިވާކަމަށް އެގައުމުން ކުރި ދިރާސާއަކުން ދައްކައިފިއެވެ.
ބުރާސްފަތި ދުވަހު އެގައުމުގެ ކަމާއިބެހޭ އިދާރާއަކުން ހާމަކުރި ރިޕޯޓެއްގައި ބުނެފައިވަނީ މިއަންހެނުންގެ ތެރެއިން ބައެއް މީހުން ގައުމު ދޫކޮށް ހަނގުރާމަ ހިނގަމުންދާ ތަންތަނަށް ގޮސްފައިވަނީ ދަރިންވެސް ގޮވައިގެންނެވެ.
"ހަނގުރާމަވެރި ޖަމާއަތްތަކާއި އަންހެނުން ބައިވެރިވާން ދިއުމަކީ އާކަމެއް ނޫން. ނަމަވެސް މިގައުމުން މިކަމުގައި ބައިވެރިވާ މީހުންގެ އަދަދު ވަނީ ސަމާލުވާން ޖެހޭ ހިސާބުގައި" ޔުނިވާސިޓީ އޮފް ވޯޓާލޫ ގެ ރިސާޗް ޑިޕާޓްމެންޓުގެ ކޯ ޑިރެކްޓަރު ލޯން ޑޯސަން ބުނެފައިވެއެވެ.
މީހުން ގައުމު ދޫކޮށް ހަނގުރާމައާއި ގުޅުމަށް މެދުވެރިވާ އެންމެ ބޮޑު ސަބަބަކީ އިންޓަނެޓް ގުޅުންތައް ކަމަށް އޭނާ ބުނެފައިވެއެވެ. ސީރިޔާ އަދި އިރާގުގައި ހަނގުރާމަ ކުރާ ފިރިހެނުންނާއި ކައިވެނިކޮށް އެތަނަށް ދިރިއުޅުން ބަދަލުކުރުމަށް ނިންމައިގެން ދިއުމުން ގިނަފަހަރަށް އެއިން އެއްވެސް ކަމެއް ހާސިލު ނުވެއެވެ.
ނަމަވެސް އައިއެސްގެ ބާރުގެ ދަށުގައި އޮތް ހިސާބަކަށް ދެވިއްޖެނަމަ އަނބުރާ އާދެވުމަކީ ވަރަށް ދުރުގައިވާކަމެކެވެ. އޮޅުވާލައިގެން މީހުން އެތަނަށް ގެންދާ މައްސަލަތައް ދަނީ ދުވަހެއް ދުވަހަކަށް އިތުރުވަމުންނެވެ.