އައްޑޫގެ ލޭންޑް ޔޫޒް ޕްލޭން ހަދައި ނިމިފައިވާ ކަމަށާއި ވަަރަށް އަވަހަށް ޕްލޭން ހާމަ ކުރާނެ ކަމަށް ހައުސިން މިނިސްޓްރީން ބުނެފި އެވެ.
އެ މިނިސްޓްރީގެ ޑެޕިއުޓީ މިނިސްޓަރު އަބްދުﷲ ޒިޔާދު ވިދާޅުވީ މުޅި އައްޑޫގެ ލޭންޑް ޔޫޒް ޕްލޭން ވަރަށް ފުރިހަމަ އަށް ނިންމާފައިވާ ކަމަށެވެ.
އޭނާ ވިދާޅުވީ އައްޑޫގެ ތަރައްގީގެ ކަންކަން ދެން ކުރިއަށް ގެންދާނީ އެ ޕްލޭނާ އެއްގޮތަށް ކަަމަށެވެ.
ޒިޔާދު ވިދާޅުވީ އައްޑޫގައި މިހާރު ފްލެޓް އަޅަމުން އަންނަ ސަރަހައްދުތަކާއި ފޭދޫން އަލަށް ހިއްކި ބިން ތަރައްގީ ކުރާނެ ގޮތް ވެސް ޕްލޭންގައި އޮންނާނެ ކަމަށެވެ.
އެގޮތުން ހިތަދު އާއި ހުޅުދޫގައި ފްލެޓް އެޅި ސަރަހައްދުގެ މަގުތައް ހެދުމާއި އެ ސަރަހައްދަށް ބޭނުންވާ އިތުރު ވަސީލަތްތައް ގާއިމު ކުރަން ވަރަަށް އަވަހަށް ހުޅުވާލާނެ ކަމަށް ވިދާޅުވި އެވެ.
އޭގެ ތެރޭގައި ޕްރީ ސްކޫލާއި ފިހާރަތަކާއި އެ ނޫން އިޖުތިމާއީ ހިދުމަތްތައް ލިބޭނެ ތަންތަން ގާއިމު ކުރަން ޖެހެ އެވެ.
ޒިޔާދު ވިދާޅުވީ ހިން ހިއްކި ބިން ވެސް ޕްލޭންކޮށްފައި ވަނީ ފްލެޓްތަކާއި ގެސްޓް ހައުސް ފަދަ ތަންތަން ވެސް ގާއިމު ކުރެވޭ ގޮތަށް ކަމަށެވެ.
ހިއްކި ބިމުގައި މިހާރު އަންނަނީ ރިވެޓްމަންޓް ޖަހަމުންނެވެ.