އައްޑޫގެ ވަނަވަރާ ގުޅުން ހުރި މައުލޫމާތުގެ މައްޗަށް ބިނާކޮށް ފޮތެއް ލިޔާނެ ބަޔަކު ހޯދަން އައްޑޫ ސިޓީ ކައުންސިލުން މިދިޔަ މަހު ކުރި އިއުލާނާ ގުޅިގެން އެކަށީގެންވާ ތަރުހީބެއް ލިބިފައި ނުވާތީ އަލުން ފުރުސަތު ހުުޅުވާލައިފި އެވެ.
މިކަމަށް ޝައުގުވެރިވާ ފަރާތްތަކަށް ކުރިން ޕްރޮޕޯސަލް ހުށަޙަޅަން ދިން މުއްދަތު މި މަހުގެ 17 ވަނަ އަށް ވަނީ ހަމަވެފަ އެވެ.
އެހެން ނަަމަވެސް އަލުން ފުރުސަތު ހުޅުވާލައި ޕްރޮޕޯސަލް ހުށަހެޅުމުގެ ފުރުސަތު މިހާރު ވަނީ އަންނަ މަހުގެ 18 އާ ހަމައަށް ދީފަ އެވެ.
މިކަމާ ބެހޭ މައުލޫމާތު ދިނުން އޮންނާނީ ސެޕްޓެމްބަރު މަހުގެ 8 ގަ އެވެ.
އައްޑޫގެ ވަނަވަރާ ބެހޭ ފޮތެއް ލިޔާނެ ބަޔަކު ހޯދަން ކައުންސިލުން އިއުލާން ކުރި އިރު، ކައުންސިލްގައި ހިމެނިވަޑައިގަންނަވާ ފޭދޫ ކައުންސިލަރު އަލީ ފަހުމީ އަހުމަދަކީ ވެސް ލިއުންތެރިއެއްކަން ފާހަގަކޮށްލެވެ އެވެ.
އޭނާ ވަނީ އައްޑޫގެ ތާރީހާ ބެހޭ ބައެއް ފޮތްތައް ވެސް ނެރުއްވައިފަ އެވެ.