ހިތަދޫ އަންހެނަކު މިއަދު ހެނދުނުއްސުރެ އެއްވެސް ޚަބަރެއް ނުވެގެން އާއިލާއިން ހޯދަން ފަށައިފި އެވެ.
'އައްޑޫލައިވް' އަށް މައުލޫމާތު ލިބިފައިވާގޮތުން ގެއްލިގެން ހޯދަނީ އުމުރުން 21 އަހަރުގެ އަންހެން ކުއްޖެކެވެ.
އާއިލާއާ ހަވާލާދީ މައުލޫމާތު ދިން ފަރާތަކުން ބުނެފައިވަނީ މިއަދު ހެނދުނު ބޭންކަށް ދިއުމަށް ކަމަށް ބުނެ ގެއިން ނިކުމެގެން ދިޔަފަހުން ހަވީރުވަންދެން އެއްވެސް ޚަބަރެއް ވެފައިނުވެއެވެ.
މިރޭގެ އިރާކޮޅުގައި އާއިލާގެ ފަރާތަކަށް ފޮނުވި މެސެޖެއްގައި އޭނާ މިހާރު މާލޭގައި ހުރިކަމަށް ބުނުމުން އާއިލާއިން ބެލިބެލުމުގައި މިއަދުގެ މެންދުރު ވަގުތެއްގައި އަންހެން ކުއްޖާ އައްޑޫ ދޫކޮށް މާލެ ގޮސްފައިވާކަން އެނގުނު ކަމަށް މައުލޫމާތު ލިބިފައިވެއެވެ.
މިމައްސަލަ މިއަދު ފުލުހުންނަށް ހުށައަޅައި، އަންހެން ކުއްޖާ ވީތަނެއް ހޯދުމުގައި ފުލުހުންގެ އެހީތެރިކަން އާއިލާއިން ވަނީ ހޯދާފައެވެ.
ނަމަވެސް ފުލުހުންގެ ބަހެއް ހޯދުމަށް 'އައްޑޫލައިވް' އިން ކުރި މަސައްކަތް ކާމިޔާބުވެފައެއް ނުވެއެވެ.