ބޮލީވުޑްގެ މަޝްހޫރު ބަތަލާ ޕްރިޔަންކާ ޗޯޕްޅާ ލީޑް ރޯލް ކުޅޭ ހޮލީވުޑްގެ ޓީވީ ސިލްސިލާ "ކްއަންޓިކޯ" ގެ ފުރަތަމަ ސީޒަން ކާމިޔާބުކަމާ އެކު ނިންމައިލުމަށް ފަހު، އޭގެ ދެވަނަ ސީޒަން ޕްރިމިއާ ކުރަން ތައްޔާރުވެއްޖެ އެވެ.
ދެވަނަ ސީޒަންގެ ޓީޒާ ވެސް މިހާރު ވަނީ ބެލުންތެރިންނަށް ދޫކޮށްލައިފަ އެވެ.
އޭބީސީން ނެޓްވާކުން "ކްއަންޓިކޯ" ގެ ދެވަނަ ސީޒަން ޕްރިމިއާ ކުރަން ހަކަމަޖެހިފައި ވަނީ އަންނަ މަހުގެ 25 ގަ އެެވެ.
ދެވަނަ ސީޒަނުން ވެސް ޕްރިޔަންކާގެ އެލެކްސް ޕެރިޝްގެ ވަރުގަދަ ކެރެކްޓާއެއް ފެނިގެން ދާނެ އެެވެ.
"ކްއަންޓިކޯ" އިން ޕްރިޔަންކާ އަށް ލިބުނު މަޝްހޫރުކަމާއި މަގުބޫލުކަމާ އެކު އޭނާ ވަނީ ހޮލީވުޑްގެ ފީޗާ ފިލްމެއް ވެސް ކުޅެފަ އެވެ.
އެއީ އަންނަ އަހަރުގެ މެއި މަހު ރިލީޒް ކުރާ "ބޭވޮޗް" އެވެ.
އެންމެ ފަހުގެ ހަބަރުތައް ބުނާ ގޮތުން ޕްރިޔަންކާ މިހާރު ވަނީ އަނެއްކާ ވެސް ހޮލީވުޑްގެ އިތުރު ޕްރޮޖެކްޓަކަށް ސޮއިކޮށްފަ އެވެ. އެކަމަކު އޭގެ ތަފުސީލް ހާމަ ކުރާނީ މި އަހަރުގެ ފަހުކޮޅު އެވެ.
ރިޕޯޓްތައް ބުނާ ގޮތުން ހޮލީވުޑުން ލިބުނު ބައެއް އެހެން ޕްރޮޖެކްްޓްތަކެއް ޕްރިޔަންކާ ދޫކޮށްލާފައިވެ އެވެ.
މި ވަގުތު ޕްރިޔަންކާގެ އެއްވެސް ހިންދީ ފިލްމެއް ބެލުންތެރިންނާ ހަމައަށް އަންނާކަށް ނެތެވެ.