ވިހާ އިރު ބަރުދަން ލުއިކޮށް ތިބޭ ކުދިން ބޮޑުވަމުން އަންނަ އިރު، ކަންކަމުގައި މާ ހަރަކާތްތެރި ކަމަށް ފަހުގެ ދިރާސާއަކުން ދައްކައިފި އެވެ.
ކުރިން ގަބޫލު ކުރެވިފައި އޮތް ގޮތުން ބަރުދަން ލުއިކޮށް ތިބޭ ކުދިންނަކީ ސިއްހީ ގޮތުން އެހާ ރަނގަޅު ކުދިންނެއް ނޫނެވެ. އަދި ބަރުދަން ލުއި ނަމަ އެކަމާ މައިންްބަފައިން ވެސް އިންތިހާ އަށް ކަންބޮޑުވެ އެވެ.
ޔުނިވަސިޓީ ކޮލެޖް ލަންޑަނުން ހެދި ދިރާސާ ބުނާ ގޮތުގައި ވިހާ އިރު ދަރިފުޅުގެ ބަރުދަން ލުއިވެގެން މިހާރު ކަންބޮޑުވާން ޖެހޭ މައްސަލައެއް ނެތެވެ.
އެހެން ކުދިންނެކޭ އެއްފަދައިން އެކުދިންގެ ހަރަކާތްރތެރިކަން ވަކި ކުޑައެއް ނޫނެވެ.
ބަރުދަން ލުއިކޮށް ވިހާ ކުދިން ބޮޑުވަމުން އަންނަ ވަރަކަށް ހަކަތަ އިތުރުވެ، ކަންކަމުގައި ހެލިފެލިވެ އުޅޭ މިންވަރު ބޮޑުވެ އެވެ.
މީގެ ސަބަބުން ސްކޫލް ދައުރުގައި ވެސް ތަފާތު ހަރަކާތްތަކުގައި ބައިވެރިވެ، ތަފާތު ކުޅިވަރު ފަދަ ކަންކަމުގައި އުޅުމުގެ ޝައުގުވެރިކަން ބޮޑުވެ، ހަރަކާތްތެރިކަން އިތުރުވެ އެވެ.
ވިހާ އިރު ބަރުދަން ލުއި ކަމަށް ބަލަނީ މަދުވެގެން 2.5 ކިލޯ ހުންނަ ނަމަ އެވެ.
"އެފަދަ ކުދިން ފުރާވަރަށް އަރައިގެން އަންނަ އިރު އާދައިގެ އެހެން ކުދިންނެކޭ އެއްވަރަށް ހަމަ ހަރަކާތްތެރިކަން އަހަރެމެން ހެދި ދިރާސާ އިން ދައްކައި ދެނީ،" ދިރާސާ ހެދުމުގައި ބައިވެރިވި އަހުމަދު އަލް ހަކީމް ބުންޏެވެ.