ދެހާސް އަށް ވަނަ އަހަރު ރިލީޒް ކުރި "ރޮކްއޮން" އަކީ ވަރަށް ގިނަ ބަޔަކަށް ކަމުދިޔަ ފިލްމެކެވެ. ރޮކް ބޭންޑެއްގެ ވާހަކަ ކިޔައިދޭ މި ފިލްމުގެ ދެވަނަ ބައެއް ގެނެސްދޭ ވާހަކަ އިއުލާން ކުރުމާ އެކު ގިނަ ބަޔަކު ތިބީ ވަރަށް އުފަލުންނެވެ.
މިހާރު މިއޮތީ "ރޮން އޮން 2" އަށް އިންތިޒާރު ކުރަމުން އަންނަ މީހުންގެ އިންތިޒާރަށް ނިމުމެއް އަންނަން ކައިރިވެފަ އެވެ. ފިލްމުގެ ފުރަތަމަ ޓީޒާ މިހާރު މިވަނީ ބެލުންތެރިންނަށް ދޫކޮށްލައިފަ އެވެ.
ފިލްމުން މި ފަހަރު ވެސް މައިގަނޑަކަށް ފެނިގެން ދާނީ ޕްރިކްއެލްގެ ކާސްޓެވެ.
އެކަމަކު މި ފަހަރު ކާސްޓުންގެ ތެރެއަށް މެމްބަރަކު ވަނީ އިތުރުވެފަ އެވެ. އެއީ ޒުވާން ބަތަލާ ޝްރަދާ ކަޕޫރެވެ.
"ރޮކްއޮން" ގެ ބަތަލާއިންނަކީ ޕްރަޗީ ދެސާއީ އާއި ޝަހާނާ ގޮސްވާމީ އެވެ. އެކަމަކު ބޭންޑްގެ މެމްބަރެއްގެ ގޮތުގައި އެ މީހުން ފެނިފައެއް ނުވެ އެވެ.
ޝްރަދާ މިފަހަރު ފެނިގެން ދާނީ ބޭންޑްގެ މެމްބަރެއްގެ ގޮތުގަ އެވެ. ހަމަ މިއާ އެކު ފިލްމުގެ މުހިއްމު ރޯލަކުން ި ފަހަރު ވެސް ޕްރަޗީ ފެންނާނެ އެވެ.
Get Ready To #ReliveTheMagik With The #RockOn2Teaser. @RockOn2TheFilm @ErosNow https://t.co/GYQ3vypQ6P
— Excel Entertainment (@excelmovies) September 5, 2016
ފިލްމުގެ ދެން ހިމެނޭ ކާސްޓުންނަކީ ފަރްހާން އަހްތަރު، އަރުޖުން ރާމްޕާލް، ޕޫރަބް ކޯލީ އަދި ޝަޝަންކް އަރޯރާ އެވެ.
"ރޮކްއޮން" ޑައިރެކްޓް ކުރީ އަބިޝެކް ކަޕޫރު ކަމަށް ވިޔަސް ދެވަނަ ބައި ޑައިރެޓް ކުރީ ޝުޖާތު ސައުދާގަރެވެ.
މި ފިލްމް ސިނަމާތަކަށް އަންނާނީ ނޮވެމްބަރު 11 ގަ އެވެ.