ހިތަދޫގައި ހުންނަ ޝީޝާ ސައިކަލް ފިހާރަ އިން އިންސްޓޯލްމަންޓަށް ސައިކަލް ދޫކުރަން ފަށައިފި އެވެ.
ޝީޝާ އިން ބުނީ އައްޑޫގައި ސައިކަލް އިންސްޓޯލްމަންޓަށް ދޫކުރުމުގެ އިތުރުން "ވިންސްޓޯލްމަންޓް"ގެ ނަމުގައި މި މަހުގެ ތިނަކުން އަންނަ ޑިސެމްބަރު މަހުގެ ތިނެކާ ހަމައަށް ހާއްސަ ޕްރޮމޯޝަނެއް ވެސް މިހާރު ކުރިއަށްދާ ކަމަށެވެ.
ޕްރޮމޯޝަންގައި މިހާރު އިންސްޓޯލްމަންޓަށް ފައިސާ ދައްކަމުންދާ ފަރާތްތަކަށް ވެސް ބައިވެރިވެވޭނެ އެވެ. އަދި އެ ޕްރޮމޯޝަން ތެރޭގައި އިންސްޓޯލްމަންޓަށް ފައިސާ ދައްކާ ކޮންމެ ފަހަރަކު ކޫޕަން ލިބުމުގެ އިތުރުން ޑިސްކައުންޓާއި ފުރަތަމަ ސާވިސް މުޅިން ހިލޭ ވުމުގެ ފުރުސަތު ލިބޭނެ ކަމަށް ޝީޝާ އިން ބުންޏެވެ.
ޕްރޮމޯޝަންގައި ކޮންމެ މަހަކު ނަސީބުވެރި ފަރާތެއް ހޮވާ ގޮތަށް ވެސް ވަނީ ހަމަޖެހިފަ އެވެ. އެ ގޮތުން ހޮވޭ ފަރާތަށް އިންސްޓޯލްމަންޓްގެ ބަކީ ދައްކަން ޖެހޭ ބައި މުޅިން ހިލޭ ކުރެވޭނެ ކަމަށް ޝީޝާ އިން ބުންޏެވެ.
އައްޑޫގައި ޝީޝާގެ ފިހާރައެއް ހުޅުވީ 2006 ގަ އެވެ.