ވިއެޓްނާމުގައި ބާއްވާ ފަސް ވަނަ "އޭޝިއަން ބީޗް ގޭމްސް" ގައި ވާދަ ކުރާ ރާއްޖޭގެ ގައުމީ ރޯވިން ސްކޮޑް އިއުލާންކޮށްފި އެވެ.
މިމަހުގެ 24 އިން އަންނަ މަހުގެ ތިނެކަށް ބާއްވާ މުބާރާތުގައި ރާއްޖޭން ވާދަ ކުރާ ރޯވިން ސްކޮޑްގައި ޖުމްލަ އަށް ބައިވެރިން ހިމެނެ އެވެ.
އެއީ އަންހެން ހަތަރު ބައިވެރިންނާއި ފިރިހެން ހަތަރު ބައިވެރިން ކަމަށް ރޯވިން އެސޯސިއޭޝަނުން ބުންޏެވެ.
މީގެ އިތުރުން ވިއެޓްނާމަށް ދާ ސްކޮޑްގައި ދެ އޮފިޝަލަކު ވެސް ހިމެނެ އެވެ.
މުބާރާތަށް ތައްޔާރުވުމުގެ ގޮތުން ސްކޮޑުން މިހާރު އަންނަނީ ޓްރޭނިންތައް ވެސް ހަދަމުންނެވެ.
ޓްރޭނިންތަކުގައި ބޭރުގެ ތަޖުރިބާކާރެއްގެ އެހީތެރިކަން ވެސް އަންނަނީ ހޯދަމުންނެވެ.
ސްކޮޑް ވިއެޓްނާމަށް ފުރާނީ މި މަހުގެ 21 ގައި ކަމަށް ރޯވިން އެސޯސިއޭޝަނުން ބުންޏެވެ.
ފަސް ވަނަ "އޭޝިއާން ބީޗް ގޭމްސް" ގައި މި އަހަރު 45 ގައުމަކުން ބައިވެރިވެއެވެ.
އަދި މުބާރާތުގައި 22 ކުޅިވަރެއް ދައްކައިލާނެ އެވެ.
ގައުމީ ރޯވިން ޓީމް ވަނީ މީގެ ކުރިން ވެސް ބޭރުގެ ބައެއް މުބާރާތްތަކުގައި ވާދަކޮށްފަ އެވެ.