ކުރީގެ ރައީސް ނަޝީދާއި އަދިވެސް މިސަރުކާރުގެ އިދިކޮޅު ބައެއް ފަރާތްތަކުގެ ޕާސްޕޯޓް އިމިގްރޭޝަނުން ބާތިލުކޮށްފައި ވަނީ މިއަދު އަލްޖަޒީރާއިން އާންމު ކުރި ޑޮކިއުމެންޓަރީގެ ފޯކަސް ގެއްލުވާލަން ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
އަލްޖަޒީރާއިން ސަރުކާރުގެ ކޮރަޕްޝަން ދައްކުވައިދޭ ޑޮކިއުމެންޓަރީއަށް އިންޓަވިއު ދެއްވި ރައީސް ނަޝީދު މިއަދު ކުރެއްވި ޓުވީޓެއްގައި ބުނެފައިވަނީ މިއީ ދެބޭނުމެއްގައި ކޮށްފައިވާ ކަމެއް ކަމަށެވެ.
ފުރަތަމަ ބޭނުމަކީ ސިޔާސީ ގޮތުން އެމަނިކުފާނަށް ގޯނާ ކުރުމަށް ކުރެއްވި ކަމެކެވެ. ދެވަނަ ކަމަކަށް މިއީ އަލްޖަޒީރާ ޑޮކިއުމެންޓަރީއިން ހާމަކުރި ސަރުކާރާއި، ރައީސް ޔާމީން ހިންގެވި ކަމަށް ބުނާ ކޮރަޕްޝަނުގެ އަމަލުތަކުން ރައްޔިތުންގެ ފޯކަސް ގެއްލުވާލުމެވެ.
Confiscating my passport is another ridiculous & politically motivated attempt by President Yameen's Government (1/2)
— Mohamed Nasheed (@MohamedNasheed) September 7, 2016
to divert attention from serious allegations of money laundering exposed in @AJEnglish's #StealingParadise documentary (2/2)
— Mohamed Nasheed (@MohamedNasheed) September 7, 2016
ކުރީގެ ނައިބު ރައީސް މުހައްމަދު ޖަމީލުވެސް ޕާސްޕޯޓް ކެންސެލް ކުރެވުނު ބޭފުޅުންގެ ތެރޭގައި ހިމެނިވަޑައިގަންނަވާއިރު އެމަނިކުފާނު ވިދާޅުވެފައިވަނީ ހިފަހައްޓަން ޖެހިފައިވަނީ ރައީސް އަބްދުﷲ ޔާމީނުގެ ޕާސްޕޯޓުކަމަށެވެ.
މިދެބޭފުޅުންގެ އިތުރުން އިމިގްރޭޝަނުން ޕާސްޕޯޓު ކެންސެލް ކޮށްފައިވާ މީހުންނަކީ ރާއްޖެ ޓީވީގެ ކުރީގެ ޗެއާމަން އަކްރަމް ކަމާލުއްދީން އާއި ކުރީގެ ހާރިޖީ ވަޒީރު އަހުމަދު ނަސީމްގެ އިތުރުން، ހ. ހާޖަރާގޭ ޢަބްދުﷲ ލުޠުފީއެވެ.
މިބޭފުޅުންނަކީ ހައްޔަރުކޮށްގެން ރާއްޖެ ގެނައުމަށް މޯލްޑިވްސް ޕޮލިސް ސާވިސްގެ މައްޗަށް ކޯޓުން އަމުރުވެެސް ކޮށްފައި ތިއްބެވި ބޭފުޅުންނެވެ.