މީދޫގައި އީދު ކުޅިވަރު ކުޅެން މާލީ ހަދަން އުޅުނު ކުއްޖެއްގެ ގައިގައި ދާދި ދެންމެއަކު ރޯވެގެން ހުޅުމީދޫ ސިއްހީ މަރުކަޒުގައި ފަރުވާ ދޭން ފަށައިފި އެވެ.
އެނގިފައިވާ ގޮތުގައި އެ ކުއްޖާގެ ގައިގައި ރޯވީ މާލި ހަދަން ގައިގައި ކަފަ އޮޅައިގެން އުޅުމުގެ ތެރޭގައި ލައިޓަރު ކަނޑައިގެން އުޅެނިކޮށް ކަފަތަކުގައި ރޯވެގެންނެވެ.
މި ހާދިސާގައި ރޯވީ މީދޫ ޗަމަން، ހަސަން ޖިހާދު، 15، ގައިގަ އެވެ.
އެހެން ނަމަވެސް އޭނާ އަށް ލިބުނު ގެއްލުމުގެ ތަފުސީލެއް އަދި ނޭނގެ އެވެ.
ހުޅުމީދޫން "އައްޑޫ ލައިވް" އާ ވާހަކަ ދެއްކި މީހަކު ބުނީ ޖިހާދު ވަރަށް ބޮޑަށް ފިހިފައިވާ ކަމަށް އެނގިފައިވާ ކަމަށެވެ،
އޭނާ އިތުރު ފަރުވާ އަށް ހިތަދޫ ރީޖަނަލް ހޮސްޕިޓަލަށް ވަނީ ގެނެސްފައެވެ. ޖިހާދުގެ ހަށިގަނޑުގެ 5 އިންސައްތަ ވަނީ ފިހިފައެވެ.