10. ފިރިމީހާގާތު ކަމަކުއެދޭހިނދު އިންކާރުކޮށްފާނެއެވެ. ނަމަވެސް އެކަމުގެ ސަބަބުން ކުނިމޫނު ނުދައްކާ އެކުގައި ލޯބިން ވަގުތުހޭދަކުރާނަމަ ފިރިމީހާގެ ހިތުގައި އަނބިމީހާމައްޗަށް ލޯބި އިތުރުވާނެއެވެ. އަދި އޭގެފަހުން ކަމަކު ކިޔައިފިނަމަ ހިތާރޫހުން އެކަމެއްކޮށްދޭނެއެވެ. މިހެން ދިރިއުޅުން ކުރިޔަށްދާނަމަ ފެންނަމުން އެދަނީ އުޖާލާ ފޮނިހަޔާތެކެވެ. ފިރިމީހާ ކުރި އިންކާރާއިގުޅިގެން އަނބިމީހާ ކުނިމޫނު ދައްކައިފިނަމަ ދެމީހުންގެ ގުޅުން ހީނަރުވާނެއެވެ.
ފިރިމީހާގެ ފަރާތުން ކަމަކަށްއެދުމުގެ އެންމެފުރިހަމަ އަސަރުކުރަނިވިގޮތަކީ އެދެންބޭނުންކަމަށް އެދިފައި ޝަކުވާކުރުމަކާއި ނުލައި އެކަމަކަށް އިންތިޒާރުކުރާށެވެ. ލަސްވުމުގެ ސަބަބުން އެއްގޮތަކަށްވެސް ދެބަސްވެގެން ނުވާނެއެވެ. ކަންކަމުގައި މަދުމަތިރިކަން އިޚުތިޔާރުކުރުމަކީ ގަދަބާރެކެވެ. މަޑުމަތިރިކަމެއްނުވާނަމަ ތިބާގެބާރު އެދިޔައީއެވެ. ކަމަކުއެދޭއިރު ނުވަތަ އެވާހަކައެއް ދައްކާއިރު ފިރިމީހާގެފަރާތުން ނޫންބަސް އަޑުއެހުމަށްވެސް ތައްޔާރުވެގެން ހުންނާށެވެ. ފިރިމީހާ ކުރާއިންކާރަށް ފުރަތަމަފަހަރު ބަސްނުކިޔާހުރެއްޖެނަމަ އަނބިމީހާ އެދޭކަންތަކަށް ދެވަނަފަރަށް އިންކާރުކުރަން ފިރިމީހާއަށް ދަތިވާނެއެވެ. އަނބިމީހާ ބޭނުންކައްތައް ފިރިމީހާ ފުރިހަމަކޮށްދީފިނަމަ އެކަމަކަށް ފުރިހަމައަށް ޝުކުރުއަދާކޮށް ތަޢުރީފުކުރަންވާނެއެވެ.
11. އަނބިމީހާއެކޭއެއްފަދައިން ފިރިމީހާއަށްވެސް ކަންކަމުހައި ތަޢުރީފާއި ޘަނާގެ ބަސްތައް ލިބުމަށްހިތްއެދޭނެއެވެ. ވީމާ އެކަމަށް އަނބިން ސަމާލުވާންވާނެއެވެ.
12. އަނބިމީހާގެ ނަޒަރުގައި ފިރީމީހާއަކީ ހީރޯއަކަށްވުމަށް ކޮންމެ ފިރިއަކުވެސް ހިތުގެ އެންމެއަޑިން އެދޭނެއެވެ. މީ އުފެދުމުގައިވެސް ފިރިހެނުންގެ ހިތުގައި މާތް ﷲ ލައްވާފައިވާ ޝުޢޫރެކެވެ. ފިރިމީހާއެދޭފަދައިން ފިރިމީހާއަކީ ކަނބުލޭގެ ގެ ފޭނަކަށް ހަދާށެވެ. މާނައަކީ އެޢިއްޒަތާއި ޤަދަރު ފިރިމީހާއަށް ދޭށެވެ.
13. ދިރިއުޅުމުގައި އަނބިންނަށްޓަކައި ފިރިންކޮށްދޭ ކަންތަކުގެ ވާހަކަ ހަނދާންނުކޮށް ކޮށްނުދެވިފައިހުންނަ ކަންތައްތަކުގެ ވާހަކަ އަނބިން ދެއްކުމަކީ އާދައެކެވެ. މިކަމުގެސަބަބުން ދެމަފިރިންގެ ދެމެދުގައި ހަމަނުޖެހުން އުފެދޭނެއެވެ. މިހެން ކަންތައްކުރުމުގެ ބަދަލުގައި ތިބާއަށްޓަކައި ފިރިމީހާކޮށްދީފައިހުރިކަންތައްތަކުގެ އަގުވަޒަންކޮށް ވާހަކައްދާށެވެ. އެއިރުން ތިބާޔަށް ހުރިހާކަމަކަށްވެސް މަގުފަހިވާނެއެވެ.
14. ހަޔާތުގެ ބައިވެރިޔާގެ މައްޗަށް ވެރިވެގަތުމަށް( ބާރުފޯރުވުމަށް ) މަސައްކަތް ނުކުރާށެވެ. އެއީ ފިރިހެނުން ވަރަށްބޮޑަށް ނަފުރަތުކުރާކަމެކެވެ. ފިރިމީހާއަކީ ތިބާގެ އަޅެއްކަމުގައިދެކެފިނަމަ ހަމަޔަޤީނުންވެސް ތިބާވާނީ އަޅެއްގެ އަންބަކަށްތާއެވެ. ވީމާ އެފަދަ ވިސްނުންތަކާއި ދުރުވާށެވެ.
15. ތިބާގެ ހަޔާތުގައި އެންމެބޮޑު އަހައްމިޔަތުކަމެއް ދޭމީހަކީ ފިރިމީހާއަށް ވާންވާނެއެވެ. ދެފަރާތުގެ ޢާއިލާއާއި ދަރިންނަށްވުރެވެސްބޮޑަށް ފިރިމީހާއަށް ސަމާލުކަންދޭންވާނެއެވެ.
ފިރިމީހާއާދެކޮޅަށްމީހަކު ވާހަކަދައްކާނަމަ އެކަން ދިފާޢުކުރަންވާނެއެވެ. އަދި އެކަމަކުން ފިރިމީހާ ބަރީއަވެގެންވާކަން ސާބިތުކުރުމަށް މަސައްކަތްކުރަންވަނެއެވެ.
16. ފިރިމީހާއާއި ދެކޮޅަށް ތިބާވެސް ވާހަކަދައްކައިގެން ނުވާނެއެވެ.ޚާއްޞަގޮތެއްގައި އެހެންމީހުންގެ ކުރިމަތީގައި އެއްގޮތަކަސްވެސް އެކަހަލަ ކަމެއްކޮށްގެން ނުވާނެއެވެ. ވަކިން ޚާއްޞަކޮށް މީހުންގެ ކުރިމަތީގައި ފިރިމީހާއާއިދޭތެރޭ ކަންތައްތައް ބަހައްޓަންވާނީ ވަރަށްމަޑުުމަތިރިކަމާއި އޯގާތެރިކަމާއެކުގައެވެ. އެއްވެސް ކަމެއްގައި ފިރިމީހާއާއި ދެކޮޅުވެރިނުވާށެވެ. ތިބާގެ ރިވެތި ޚުލްޤު ދިރިއުޅުމުން ދައްކުވައިދޭށެވެ. އެންމެ ހެޔޮލަފާމީހަކީ އެމީހެއްގެ ޚުލްޤު ރިވެތިމީހާކަން މިއުއްމަތުގެ މާތްނަބިއްޔާވަނީ ވިދާޅުވެފައެވެ. މީގެ އިތުރުން ދެބަސްވުމާއި ދެކޮޅުވެރިކަމަކީ ލޯބި ފުނޑުފުނޑުކޮށްލާ ޝައިޠާނީ ހަނގުރާމައެކެވެ. އަބަދުވެސް ހަނދާނުގައި ބަހައްޓަންވިކަމަކީ ދިރިއުޅުމުގައި މަޑުމަތިރިކަމެއްނެތި،ދޫނުބައިކަމާއި،ޒުވާބުކުރުމާއި،ތަލާފޮޅުމާއި،މިފަދަ ހުރިހާ ކަމެއްއެމީހެއްގައި ހުރެއްޖެނަމަ މީހުން އެމީހަކަށް ނަފުރަތު ކުރާނެކަމެވެ. ހުރިހާ މީހުންވެސް ހަމްދަރުދީވާނީ މިހުރިހާ ކަމެއް ރައްދުވާ މީހާއަށެވެ.
17. ފިރިމީހާއަށް ކަމުދާކަންތަކާއި ކަމުނުދާކަންތައްތަކަށް އަނިބިމީހާ އަބަދުވެސް ސަމާލުކަންދޭންވާނެއެވެ. ޚައްސަކޮށް ފިރިމީހާ ކާއެއްޗިއްސާމެދުގައެވެ.
ފިރިމީހާ އޮފީހަށްދާއިރު ބޭރުދޮރާހަމަޔާ އެކުގައި ގޮސްލާށެވެ.އަދި ފިރިމީހާ މަސައްކަތްނިންމުމަށްފަހު ގެއަށްއަންނައިރު ކުރަންހުރި ހުރިހާމަސައްކަތެއް ބެހެއްޓުމަށްފަހު ފިރިމީހާގެ އިސްތިޤުބާލަށް ދޮރުކައިރިއަށްދާށެވެ. އަދި ހިނިތުންވުމާއެކު ފިރިމީހާއަށް ކުރިމަތިލާށެވެ. އަދި ފިރިމީހާގެ އަތުގައިި އެއްޗެއްހުރިނަމަ އެއެއްޗެއްގައި ހިފާށެވެ. ފުރުޞަތު ލިބިގެންވާނަމަ އެވަގުތު ހުންނަންވާނީ ރީތިހެދުމެއްގައެވެ. ފިރިމީހާ ވަރުބަލިފިލުވާލަން ބޭނުންނަމަ އެކަމަށް ހިތުން ރުހުމުން ވަގުތު ދޭށެވެ. މިހެން ޢަމުކޮށްފިނަ ފިރިމީހާގެ ހިތުގެ އެންމެ އަޑިށް ތިބާއަށް އެދޭނެއެވެ. އަދި ތިބާއަށް އިންތިހާއަށް ޤަދަރު ކުރާނެއެވެ.
( ނުނިމޭ )