ބޮޑު އީދާ ދިމާކޮށް ހުޅުދޫގައި ބޭއްވި "އަޟްހާ އީދު ފެސްޓިވަލް: ވިމެންސް ފުޓްސަލް ޗެމްޕިއަންސް" ފޭދޫ އެފް ސީ ހަބޭސް އަންހެން ޓީމް ހޯދައިފި އެވެ.
ހުޅުދޫ ފުޓްސަލް ދަނޑުގައި ކުރިއަަށް ގެންދިޔަ މުބާރާތުގެ ފައިނަލް މެޗް ހަބޭސް ހޯދި ހުޅުދޫ ފަރި ޓީމާ ބައްދަލުކޮށް 3-1 ލަނޑުންނެވެ.
މުބާރާތް ފޭދޫން ކާމިޔާބު ކުރުމާ އެކު އިނާމެއްގެ ގޮތުން ތައްޓާ އެކު 30،000ރ. ގެ ފައިސާގެ އިނާމް ވެސް ލިބިފައިވެ އެވެ.
އެފްސީ ހަބޭސް އަންހެން ޓީމަކީ އައްޑޫގައި މި ވަގުތު ހުރި އެންމެ މޮޅު އަންހެން ފުޓްބޯޅަ ކުޅުންތެރިޔާ އަލްމާ އަލީ ވެސް ހިމެނެ ޓީމެވެ.
ހުޅުދޫ ޒުވާނުން އިންތިޒާމްކޮށްގެން ބޭއްވި އީދު ފެސްޓިވަލްގެ ފުޓްސަލް މުބާރާތުގައި ވާދަ ކުރާ ހަތަރު ޓީމެވެ.
އެއީ އެފްސީ ހަބޭހާއި ހުޅުދޫ ފަރި އާއި ޖޫލީގެ އިތުރުން މަރަދޫ ޓީމެކެވެ.
މީގެ އިތުރުން މަސް ރޭހާއި ކެއްކުމުގެ މުބާާރާތާއި ބަށީގެ އިތުރުން ކުޑަކުދިންނަށް ހާއްސަ ފެންސީ ކުޅިވަރުތަކެއް ވެސް އީދު ފެސްޓިވަލްގެ ތެރެއިން ވަނީ ބާއްވައިފަ އެވެ.