މި މަހުގެ 23 ވަނަ ދުވަހުގެރޭ ހިތަދޫގައި ހިންގި މާރާމާރީ އާ ގުޅިގެން ތުހުމަތު ކުރެވޭ ދެ މީހަކު ފުލުހުން ރޭ ހައްޔަރުކޮށްފި އެވެ.
މި މައްސަލަ އާ ގުޅިގެން ފުލުހުންގެ ބެލުމުގެ ދަށަށް ގެންދިޔައީ 22 އަހަރުގެ ދެ ފިރިހެނުންނެވެ.
މި ދެ މީހުން ވެސް ފުލުހުންގެ ބެލުމުގެ ދަށަށް ގެންދިޔައީ ކޯޓު އަމުރެއްގެ ދަށުން ރޭގެ ވަގުތެއްގައި ކަމަށް ފުލުހުން ބުނެ އެވެ.
އެ ދެ މީހުންގެ ބަންދާ މެދު ގޮތެއް ނިންމަން ހިތަދޫ މެޖިސްޓްރޭޓް ކޯޓަށް ހާޒިރު ކުރުމުން ކޯޓުން ވަނީ 15 ދުވަހުގެ މުއްދަތެއް ދީފަ އެވެ.
ތޫނު އެއްޗެހި ބޭނުންކޮށްގެން ހިންގި މާރާމާރީގައި ފަސް މީހަކަށް އަނިޔާވެގެން ހިތދޫ ރީޖަނަލް ހޮސްޕިޓަލްގައި ފަރުވާ ވެސް ދިނެވެ.
އަދި އެކަކު އިތުރު ފަރުވާ އަށް މާލެ ވެސް ފޮނުވާލި އެވެ.