ފެނަކަ ކޯޕަރޭޝަންގެ މެނޭޖިން ޑިރެކްޓަރ ކަމުން މުހައްމަދު ނިމާލް މިއަދު ވަކިކޮށް އެމަގާމަށް އެޑިއުކޭޝަން މިނިސްޓްރގެ ނައިބަކަށް ހުންނެވި އަހްމަދު ޝަރީފް ހަމަޖައްސަވައިފިއެވެ.
އަހްމަދު ޝަރީފް ފެނަކަ ކޯޕަރޭޝަންގެ މެނޭޖިން ޑިރެކްޓަރ ކަމަށް އައްޔަން ކުރިކަން ޕްރައިވަޓައިޒޭޝަން ބޯޑުގެ ރައީސް މުހައްމަދު ނިޒާރު ވަނީ ކަށަވަރުކޮށް ދެއްވާފައެވެ.
ނިމާލް މަގާމުން ވަކިކޮށްފައިވާ އިރު އެކުންފުނިން އެއްމިލިއަން ޑޮލަރު ގަތުމަށް ދޫކުރި 17 މިލިއަން ރުފިޔާއަށް ވީ ނުވީއެއް ނޭގުނު މައްސަލައެއް ކުންފުނީގެ ތެރޭގައި ވަނީ ފެންމަތިވެފައެވެ. މި މައްސަލައިގެ ތަފްސީލެއް މިހާތަނަށް ފެނަކަ ކޯޕަރޭޝަންއިން ހާމަކޮށްފައި ނުވެއެވެ.
ނިމާލް މަގާމުން ވަކިކޮށްފައި މިވަނީ އައްޑޫއަށް ދެ މެގަވޮޓް ޖަނަރޭޓަރެއް ގެންނާނެ ކަމުގެ ހުވަފެން ދައްކާތާ 4 އަހަރު ފަހުންނެވެ.