ޕީއެސްއެމް އިން ކުރިއަށް ގެންދާ "މޯލްޑިއަން އައިޑޮލް 2" އައްޑޫ އޮޑިޝަންގެ ފުރަތަމަ ބުރު އަންނަ މަހު އައްޑޫގައި ބާއްވަން ނިންމައިފި އެވެ.
ސީޒަން ދޭއްގެ އޮޑިޝަން އައްޑޫގައި ބާއްވާނީ އަންނަ މަހުގެ 8 އާއި 9 ގަ އެވެ.
ކައުންސިލުން މިގޮތަށް ބުނެފައި ވަނީ ޕީއެސްއެމްގެ އައިޑޮލް ޓީމާ އެކު ކައުންސިލްގައި މަޝްވަރާ ކުރުމަށް ފަހު އެވެ.
އެގޮތުން އޮޑިޝަން ބާއްވާނެ ތަނަކާ ގުޅޭ ގޮތުން ވެސް ކައުންސިލް އާއި އައިޑޮލް ޓީމުން ވަނީ މަޝްވަރާކޮށްފަ އެވެ.
މިދިޔަ އަހަރު ބޭއްވި މޯލްޑިވިއަން އައިޑޮލްގެ އައްޑޫ އޮޑިޝަން ކުރިއަށް ގެންގޮސްފައި ވަނީ ހިތަދޫގައި ހުންނަ އައްޑޫ ސިޓީ ކައުންސިލް އިދާރާގަ އެވެ.
އެ ފަހަރު އައްޑޫގައި ކުރިއަށްގެން ދިޔަ އޮޑިޝަނަށް ވަރަށް ބޮޑު ތަރުހީބެއް ވަނީ ލިބިގެން ގޮސްފަ އެވެ.