މާމުއި ފެނާއި އެއްކޮށްގެން ބޭނުންކުރުމަކީ ޔޫރިން އިންފެކްޝަންއަށް ބޭސްކުރަމުން އަންނަ ފަރާތްތަކަށް ބޭނުންތެރި ހަތިޔާރަކަށް ވެދާނެކަމަށް އިނގިރޭސިވިލާތުގެ ސައިންސްވެރިން ބުނެފިއެވެ.
އާންމުކޮށް ބަލިމީހުން ޖެހެނީ ކުޑަކަމުދިޔުމަށް ނުވަތަ ހަށިގަނޑުގައި ޔޫރިންހުރި މިންވަރު ބެލުމަށްޓަކައި ކެތެޓާއެއްގެ ބޭނުންކުރާށެވެ.
އެހެންނަމަވެސް މި ޓިއުބްތަކުގައި ނޭދެވޭ ޖަރާސީމު އުފެދި އިތުރު އިންފެކްޝަންތަކަށް މަގުފަހިވުމުގެ ފުރުސަތު ބޮޑެވެ.
ޔުނިވާސިޓީ އޮފް ސައުތުއެމްޕްޓަންގެ ސައިންސްވެރިން ވަނީ ފެނާއި އެއްކޮށްފައިވާ މާމުއި، ތަތްކަންގަދަ ނައްޓަން އުނދަގޫ ފަށަލަ ޕްލާސްޓިކްފަދަ ތަކެތީގެ މަތީގައި ހެދުމަށް ބެކްޓީރިއާއަށް ހުރަސްއަޅާކަމަށް ދައްކާފައެވެ.
ފެނާއި މާމުއި އެއްކޮށްގެން ކުޑަކަމުދާ ނިޒާމުގެ ހޮޅިތައް ސާފުތާހިރުކަންމަތީ ބެހެއްޓުމަށް ފްލަޝްކުރުމަށް ބޭނުންކުރެވިދާނެއެވެ.
އެހެންނަމަވެސް، އެއީ އިންސާނުންނަށް ބޭނުންކުރުން ރައްކާތެރިކަމެއްތޯ ޔަޤީންކުރުމަށްޓަކާ ވަރަށް ގިނަ ފަހަރުމަތިން ޓެސްޓް ކުރަންޖެހޭނެއެވެ.
މާމުއިއަކީ ޒަމާނުއްސުރެވެސް ގުދުރަތީ ފަރުވާއެއްގެ ގޮތުގައި ބޭނުންކުރަމުން އަންނަ އެއްޗެކެވެ. އަނދާފައިވާ ތަންތަނަށާއި އެކިއެކި ޒަޚަމްތަކަށް ފަރުވާ ކުރުމަށް މީހުން މާމުއި ބޭނުންކުރާއިރު، މިހާރަކަށް އައިސް ވަރަށް ގިނަ ކުންފުނިތަކުން ވަނީ "މެޑިކަލް ގްރޭޑް" މާމުއިވެސް ވިއްކަން ފަށާފައެވެ.
އެ ދިރާސާގައި ބޭނުންކޮށްފައިވަނީ މެނޫކާ މާމުއިއެވެ. އެއީ މެނޫކާ ގަހުން ފޮނިބޯ ކުޅަނދުރުތަކުން ނަގާފައިވާ މާމުއިއެވެ. އެއީ އޮސްޓްރޭލިއާ އަދި ނިއުޒިލޭންޑްއުން ލިބެން ހުންނަ އެ މާމުއިއަކީ ބެކްޓީރިއާއާއި ހަނގުރާމަކުރެވޭފަދަ މާއްދާތަކެއް އެކުލެވިގެންވާ މާމުއިއަކަށް ވާތީއެވެ.