އައްޑޫގައި ގާއިމުކޮށްފައިވާ އޮޑިޓަ ޖެނަރަލްގެ އޮފީހުގެ ސަރަޙައްދީ ގޮފިން ހަ ކައުންސިލެއްގެ އޮޑިޓް ރިޕޯޓް އިއްޔެ ނެރެފި އެވެ.
މި އޮޑިޓް ރިޕޯޓްތައް ނެރެދެއްވީ އޮޑިޓަ ޖެނަރަލް ޙަސަން ޒިޔަތެވެ.
ރިޕޯޓްތައް ނެރުނީ އައްޑު އާއި ފުވައްމުލަކުގެ ދައުލަތުގެ މުއައްސަސާތަކުގެ ބައެއް މުވައްޒަފުންނަށް ހާއްސަކޮށްގެން ފެށި ލީޑަޝިޕް ޓްރެއިނިންގ ޕްރޮގްރާމްގެ ތެރެއިންނެވެ.
އިއްޔެ ނެރެފައިވަނޯ ޏ. އަތޮޅު ކައުންސިލާއި، ގދ. އަދި ގއ. އަތޮޅު ކައުންސިލާއި، ގއ. މާމެންދޫގެ އިތުރުން އެއަތޮޅު ވިލިނގިލީ ކައުންސިލް އަދި ގދ. ތިނަދޫ ކައުންސިލްގެ 2015 ވަނަ އަހަރުގެ މާލީ އޮޑިޓް ރިޕޯޓެވެ.
މި ހަ އޮޑިޓް ރިޕޯޓަކީ، ކައުންސިލަތަކަށް ލިބިފައިވާ 7 މިލިޔަނަށް ވުރެ ގިނަ ރުފިޔާ އާއި ކައުންސިލްތަކުން ހޭދަކޮށްފައިވާ 32 މިލިއަނަށް ވުރެ ގިނަ ރުފިޔާގެ ތަފްޞީލް ހާމަކުރައްވާފައިވާ ރިޕޯޓްތަކެކެވެ.
އިއްޔެ އައްޑޫގައި ނެރުނު ހަ އޮޑިޓް ރިޕޯޓަކީ މިއަ ހަރު އޮޑިޓަ ޖެނަރަލްގެ އޮފީހުގެ ސަރަޙައްދީ ގޮފިން ނެރުއްވަން ކަނޑައެޅުއްވި 69 އޮޑިޓް ރިޕޯޓްގެ ތެރެއިން މިހާތަނަށް ފީލްޑް މަސަކަތް ނިމި ރިޕޯޓިން މަރުޙަލާގައިވާ 40 އޮޑިޓް ރިޕޯޓްގެ ތެރޭގައި ހިމެނޭ ރިޕޯޓުތަކެއްކަމަށް އޮޑިޓަ ޖެނެރަލްގެ އޮފީހުން ބުންޏެވެ.