އެކި ދާއިރާތަކުން މަޝްހޫރު މީސްމީހުންގެ ވެކްސް ސްޓެޗޫ ތައްޔާރު ކުރާ އިނގިރޭސިވިލާތުގެ މެޑަމް ޓްސޯޑްސް އިން އަނެއްކާ ވެސް އިންޑިއާގެ ފިލްމީ ތަރިއެއްގެ ވެކްސް ސްޓެޗޫ ދައްކާލަން ނިންމައިފި އެވެ.
މި ފަހަރު މި ފުރުސަތު ލިބުނީ މިދިޔަ އަހަރު ރިލީޒްކޮށް ބޮޑު ކާމިޔާބީއެއް ހޯދި ފިލްމް "ބާހްބަލީ" ގެ ލީޑް އެކްޓަރު ޕްރަބާސް، 36، އެވެ.
އޭނާ އަށް މި ފުރުސަތު ލިބުންވެގެން ދިޔައީ ސައުތު ފިލްމް އިންޑަސްޓްރީގެ ތަރިއަކަށް ލިބުނު ފުރަތަމަ ޝަރަފަށެވެ.
ޕްރަބާސް އަށް މެޑަމް ޓްސޯޑްސް އިން ފުރުސަތު ލިބުނުކަން "ބާހްބަލީ" ގެ ޑައިރެކްޓަރު އެސްއެސް ރާޖްމޯލީ ވެސް ވަނީ ޓްވިޓާ މެދުވެރިކޮށް ފޭނުންނާ ހިއްސާކޮށްފަ އެވެ. އަދި މިއީ ސައުތު އެކްޓަރަކަށް ލިބުނު ވަރަށް ބޮޑު ޝަރަފެއް ކަމަށް ބުންޏެވެ.
Indian Superstar #Prabhas to join the ranks of world class artists exclusively at #MADAMETUSSAUDS BANGKOK!? #ProudMoment ❤ #LovePrabhas pic.twitter.com/rgfilwDLgv
— P R A B H A S (@prasad_darling) October 1, 2016
މިހާރު "ބާހްބަލީ" ގެ ފަހު ބައި ޝޫޓް ކުރަމުން އަންނަ ޕްރަބާސްގެ ވެކްސް ސްޓެޗޫ ދައްކާލަން ހަމަޖެހިފައި ވަނީ އަންނަ އަހަރުގެ މާޗް މަހު ބެންކޮކްގަ އެވެ.
މެޑަމް ޓްސޯޑްސް އިން މިދިޔަ އަހަރު ފުރުސަތު ލިބުނީ ބޮލީވުޑްގެ ބަތަލާ ކެޓްރީނާ ކެއިފަށެވެ.
މެޑަމް ޓްސޯޑްސްގައި މިހާރު ވެސް ވެކްސް ސްޓެޗޫ ހަދާފައިވާ އިންޑިއާގެ ތަރިންގެ ތެރޭގައި އަމީތާބް ބައްޗަން، ޝާހްރުކް ހާބް، އައިޝްވާރިއާ ރާއީ، ސަލްހާން ހާން، މަދޫރީ ޑިކްޝިޓް، ރިތިކް ރޯޝަން އަދި ކަރީނާ ކަޕޫރު ހިމެނެ އެވެ.