ހިތަދޫގައި "3 އެސް" ސްޕަމާޓް ހިންގަމުން އަންނަ އިމާރާތް އެހެން ތަނަކަށް ބަދަލުކޮށް ހިދުމަތް ދޭން ފަށައިފި އެވެ.
މިހާރު "3 އެސް" ސްޕަމާޓް ހިންގަނީ ހިތަދޫ ބޮޑު މަގުގައި ކުރިން ޗެކްމާކް ފިހާރަ ހިންގި ތަނުގަ އެވެ.
އެއީ ހިތަދޫގައި ހުންނަ ސްޓޭޓްް ބޭންކް އޮފް އިންޑިއާ (އެސްބީއައި) ގެ އައްޑޫ ބްރާންޗްގެ އަނެއް ކަންމައްޗެވެ. އާ އިމާރާތަށް ސްޕަމާޓް ބަދަލުކޮށް ހިންގަން ފެށި އިރު، އެތަނުގެ ޖާގަ ކުރިއަށް ވުރެ ބޮޑުވެފައި ތަނަވެނެވެ.
"3 އެސް" ސްޕަމާޓުން މިހާރު އަންނަނީ ކުރާ ކޮންމެ ވިޔަފާރިއަކަށް 10 ޕަސަންޓްގެ ޑިސްކައުންޓެއް ވެސް ދެމުންނެވެ.
ހިތަދޫގެ އިތުރުން ފޭދޫގައި ވެސް "3 އެސް" ގެ ސްޕަމާޓެއް ހުރެ އެވެ. މިއީ ފޭދޫ "3 އެސް" ގްރޫފުން ހިންގާ ވިޔަފާރިއެކެވެ.