ކުއްލި ހާލަތުގައި އަމަލު ކުރާނެ ގޮތުގެ ގޮތް ދަސްކޮށް ދޭން އައްޑޫގައި ހިންގި ޓްރޭނިން ޕްރޮގްރާމް އިއްޔެ ނިންމާލައިފި އެވެ.
ދިވެހި ރެޑްކްރެސެންޓުން ހިތަދޫގައި މި މަހުގެ 1-5 އަށް ހިންގި ޓްރޭނިން ޕްރޮގްރާމްގައި 21 މީހަކު ބައިވެރިވި އެވެ.
އޭގެ ތެރޭގައި ހިމެނެނީ ޕޮލިސް މަރަދޫ ސިއްހީ މަރުކަޒު، އެމްއެމްޑީއެފް ފަޔަ، ޖޭސީއައި، ދިވެހި ރެޑްކްރެސެންޓުގެ މެންބަރުންނާއި، ހިލޭ ސާބަހަށް މަސައްކަތް ކުރާ މީހުންނެވެ.
ޕްރޮގްރާމް މިއަދު ނިމުނުއިރު ހުރިހާބައިވެރިންގެ ފަރާތުންވެސް ވަނީ އުފެއްދުންތެރި ކަންތައް ތަކެއް ފެނިފައި ކަމަށް މލްޑިވްސް ރެޑްކްރެސެންޓުގެ ޑިޒާސްޓަރ މެނޭޖުމެންޓް އޮފިސަރ ސޯނަތު އަބްދުއް ސައްތާރު ވިދާޅުވިއެވެ.
ކުއްލި ހާލަތުގައި އަމަލު ކުރާނެ ގޮތް ދަސްކޮށް ދޭން ހިންގި ޓްރޭނުން ޕްރޮގްރާމުގައި ބޭސިކް ފަސްޓް އެއިޑާއި ކުއްލި ހާލަތްތަކުގައި އެހެން މީހުންނަށް އެހީވާނެ ގޮތާއި އެއްތަނުން އަނެއްތަނަށް މީހުން އުފުލާނެ ގޮތް ދަސްކޮށް ދީފައިވެ އެވެ.
ދިވެހި ރެޑް ކްރެސެންޓުން ބުނ މި މަހުގެ 8-12 އަށް ހުޅުމީދޫގައި ވެސް މި ޕްރޮގްރާމެއް ހިންގަން ރާވާފައިވާ ކަމަށެވެ.