ގަމާއި ކޮލޮމްބޯ އާ ދެމެދު ޝެޑިއުލް ދަތުރުތަކެއް ފަށަން ތައްޔާރުވަމުން އަންނަ އިރު، އައްޑޫން ވަޒީފާތަކަށް މީހުން ހޯދަން އެ އިއުލާންކޮށްފި އެވެ.
ސްރީ ލަންކަން އެއާލައިންގެ ރާއްޖޭގެ އެޖެންޓް އޭސް އޭވިއޭޝަން ސާވިސް މޯލްޑިވްސް އިން ނެރެފައިވާ އިއުލާނެއްގައި ބުނީ ވަޒީފަތަކަށް ހޯދަން ބޭނުން ވަނީ ތިން ޓިކެޓިން އެންޑް ރިޒަވޭޝަން އެޖެންޓުންނާއި އެއް އެކައުންޓަންޓެއްގެ އިތުރުން އެއް ކާގޯ އެސިސްޓަންޓެއް ކަމަށެވެ.
މި މަގާމުތަކަށް ޝައުގުވެރިވާ ފަރާތްތަކަށް އެޕްލައި ކުރުމުގެ ފުރުސަތު ހުޅުވާލާފައިވާ އިރު މިކަމާ ބެހޭ އިތުރު މައުލޫމާތު 7346887 ނަމްބަރަށް ގުޅުމުން ލިބޭނެ އެވެ.
ސްރީ ލަންކަން އެއާލައިންގެ އޮފީހެއް ފޭދޫގައި ހުޅުވަން ވެސް މިހާރު އަންނަނީ ތައްޔާރުވަމުންނެވެ.
އަންނަ ޑިސެމްބަރު މަހުގެ އެއް ވަނަ ދުވަހުން ފެށިގެން ހަފުތާ އަކު ހަތަރު ދަތުރު ބާއްވާ ގޮތަށް ނިންމައި، ދަތުރުތަކަށް ރިޒަވޭޝަން ހެދުމުގެ ފުރުސަތު ވެސް މިހާރު ވަނީ ހުޅުވާލައިފަ އެވެ.
ދެކޮޅު ޓިކެޓެއްގެ އަގަކީ 342 ޑޮލަރެވެ.