އައްޑޫގެ ދެ އަވަށެއްގެެ ފުޓްބޯޅަ ދަނޑުގައި ކުރަން ހުރި މަސައްކަތްތަކެއް ކުރަން ބަޔަކު ހޯދަން އައްޑޫ ސިޓީ ކައުންސިލުން އިއުލާންކޮށްފި އެވެ.
ކައުންސިލުން ބުނީ ފޭދޫ ބޯޅަ ދަނޑުގައި ފެންސް ޖަހައި ގޭޓް ހަރުކޮށް ދޭން ޝައުގުވެރިވާ ފަރާތްތަކަށް ކުރިމަތިލުމުގެ ފުރުސަތު މިމަހުގެ 18 ވަނަ ދުވަހާ ހަމައަށް ހުޅުވާލާފައިވާ ކަމަށެވެ.
ކައުންސިލުން ބުނީ މި މަސައްކަތް ކުރާނެ ބަޔަކު ހޯދަން އަލުން އިއުލާން ކުރީ ކުރިން ހުޅުވާލި ފުރުސަތުގައި، ހުށަހެޅި އަގުތައް ބޮޑުވެގެން ކަމަށެވެ.
މިކަމާ ބެހޭ ގޮތުން މައުލޫމާތު ދިނުން މި މަހުގެ 13 ވަނަ ދުވަހު ހެނދުނު 11:00 ގައި ކައުންސިލް އިދާރާގައި އޮންނާނެ އެވެ.
މީގެ އިތުރުން ހުޅުދޫ ދަނޑުގައި ލައިޓް ޕޯސްޓް ހަރުކޮށް ކަރަންޓް ގުޅައި ދޭން ޝައުގުވެރިވާ ފަރާތްތަކަށް ކުރިމަތިލުމުގެ ފުރުސަތު މި މަހުގެ 17 އާ ހަމައަށް ވަނީ ދީފަ އެވެ.
މިކަމާ ބެހޭ ގޮތުން މައުލޫމާތު ދިނުން މި މަހުގެ 12 ވަނަ ދުވަހު ހުޅުދޫ އަވަށު އޮފީހާއި ހިތަދޫ ކައުންސިލް އިދާރާގައި އޮންނާނެ އެވެ.