އާފަލަކީ ހީވެސް ނުކުރާހާ ގިނަގުނަ ފައިދާތައް ކޮށްދޭ މޭވާއެކެވެ.
1. ހަންގަނޑު އަލިކޮށްދިނުން
ގޭގައި ފަސޭހައިން ތައްޔާރު ކޮށްލެވޭ އާފަލު މާސްކެއް ބޭނުންކުރާށެވެ. ކެލިފޯނިއާގެ ޖޫސް ބިއުޓީގެ ފައުންޑާއެއް ކަމަށްވާ ކެރެން ބެންކޭ ބުނާ ގޮތުގައި އާފަލަކީ ހަންގަނޑު މޮއިސްޗުރައިޒް ކޮށްދޭ އެއްޗެއް ކަމަށެވެ. އަދި އޭގައި އެކުލެވިގެންވާ އެސިޑްތަކަކީ ހަންގަނޑުގައި ރޫޖެހުން ކުޑަކޮށްދޭ އެސިޑްސްތަކެއް ކަމަށެވެ.
އޭނާގެ ރެސިޕީ:
މިކްސްޗަރެއްގައި ދިކޮށް ކޮށާފައިވާ 1 ފެހި އާފަލު (ހަންގަނޑާއި އެއްކޮށް)، ½ ކޮށާފައިވާ ފެހި މޭބިސްކަދުރު ގިރާށެވެ. އޭގެތެރެއަށް 1 މޭޒުމަތީ ސަމްސާ ލުނބޯ ޖޫސްއާއި، ¼ ޖޯޑު އެލޯ ވޭރާ އެޅުމަށްފަހު ބޯ ޕޭސްޓްއަކަށް ވަންދެން އެއްކުރާށެވެ. އެއަށްފަހު އެ ޕޭސްޓް މޫނާއި ކަރުގައި އުނގުޅާށެވެ. އަދި 15 މިނެޓް މަޑުކުރުމަށްފަހު އާދައިގެ ފެނުން ދޮވެލާށެވެ.
ނޯޓް: ޕޭސްޓް ހެދުމަށް ބޭނުންކުރި އެއްވެސް އެއްޗަކަށް އެލާޖިކު ނުވާކަން ޔަޤީން ކުރުމަށްޓަކައި، ޕޭސްޓް އުނގުޅުމުގެ ކުރިން މޫނު ނުވަތަ ކަރުގެ ކުޑަ ސަރަހައްދެއްގައި ޓެސްޓް ކުރާށެވެ.
2. ނޭވާލުމަށް ފަސޭހަކޮށްދިނުން
އާފަލު ނޮޅުމުގެ ކުރިން ދެފަހަރަށް ވިސްނާލާށެވެ. އާފަލުގެ ހަންގަނޑަކީ އޭގައި ގިނަ އަދަދަކަށް ކުއާސެޓިން ނަމަކަށް ކިޔާ އެންޓިއޮކްސިޑެންޓްއެއް އެކުލެވިގެންވާ އެއްޗެކެވެ. ކުއާސެޓިންއަކީ ހިރަފުހާއި ދުންފަދަ ގެއްލުންހުރި އެއްޗެހިން ފުއްޕާމެ ދިފާޢުކޮށްދޭ އެއްޗެކެވެ.
ލަންޑަންގެ ސެއިންޓް ޖޯޖު ހޮސްޕިޓަލް މެޑިކަލް ސްކޫލް އިން ހޯދި ގޮތުގައި ދުވާލަކު ފަސް އާފަލު ނުވަތަ އެއަށްވުރެ ގިނައިން ކާ މީހުންގެ ފުއްޕާމެ، އެވަރަށް އާފަލު ނުކާ މީހުންނަށްވުރެ މާ ރަނގަޅަށް މަސައްކަތް ކުރެއެވެ. އެހެންވީމާ، ކޮންމެ ދުވަހަކުވެސް އާފަލު ކާން އާދަކުރާށެވެ.
3. އިސްތަށިގަނޑު ޒުވާންކޮށްދިނުން
ބޮލުގައި ފޮޅޭ ހަމަށް ހައްލެއް ހޯދުމަށް އެޕަލް ސިޑާ ވިނެގާ ބޭނުންކުރަން ފާށާށެވެ. ދަ ހީލިންގް ޕަވާސް އޮފް ވިނެގާ ލިޔުނު ކެލް އޮރީ ބުނާގޮތުގައި ބޮލުގައި ހަންފޮޅުމަށް މެދުވެރިވާ ބެކްޓީރިއާ، އެޕަލް ސިޑާ ވިނެގާއިން ނައްތާލަދެއެވެ.
މިގޮތަށް ކަންތައް ކުރޭ:
ބޯ ދޮވުމަށްފަހު ދެތިން ހަތަރު މޭޒުމަތީ ސަމްސާ އެޕަލް ސިޑާ ވިނެގާ ބޮލުގެ ހަންގަނޑަށް މަސާޖުކުރާށެވެ. އެއް މިނެޓްއަށް ދޫކޮށްލުމަށްފަހު ދޮވެލާށެވެ.
4. އުނަގަނޑުގެ ސައިޒު ކުޑަކޮށްދިނުން
ކޭކް އަޅާއިރު ބޭނުންކުރާ ބަޓަރު ނުވަތަ ތެލުގެ ދެބައިކުޅަ އެއްބައިގެ ބަދަލުގައި ފޮނިނުކުރާ އާފަލު ސޯސް ބޭނުންކުރާށެވެ. އެއިރުން ގުދުރަތީ ފޮނިކަމެއް ގެނެސްދޭނެއެވެ. އަދި ކޭކު މަޑުވެފައި އޭގައި އެކުލެވޭ ފެޓްސްވެސް މަދުވާނެއެވެ. އާފަލު ސޯސްއަކީ އެއްވެސް ވަރަކަށް ފެޓް އަދި ކޮލެސްޓްރޯލް ނުހިމެނޭ އެއްޗެކެވެ. އަދި އޭގެ އެއް ޖޯޑުގައި އެއް ޖޯޑު ބްރައުން ރައިސްގައި ވާވަރަށް ފައިބަރު އެކުލެވިގެންވެއެވެ.