އަންނަ ޖެނުއަރީ މަހު ބާއްވާ ލޯކަލް ކައުންސިލް އިންތިހާބުގައި ވޯޓްލުމުގެ ހައްގު ލިބިފައިވާ މީހުންގެ ލިސްޓް އާންމުކޮށް، ލިސްޓަަށް ޝަކުވާ ހުށަހެޅުމުގެ ފުރުސަތު ހުޅުވާލައިފި އެވެ.
އިލެކްޝަންސް ކޮމިޝަނުން ވަނީ ލިސްޓަށް ޝަކުވާ ހުށަހަޅަން 10 ދުވަހުގެ މުއްދަތެއް ދީފަ އެވެ. ލިސްޓް ވަނީ އެ ކޮމިޝަންގެ ވެބްސައިޓްގައި އާންމުކޮށްފަ އެވެ.
ލޯކަލް ކައުންސިލް އިންތިހާބު އޮންނާނީ ޖެނުއަރީ މަހުގެ 14 ވަނަ ދުވަހު އެވެ.
އިންތިހާބުގައި ވާދަކުރަން ބޭނުންވާ ފަރާތްތަކަށް މި މަހުގެ 26 ވަނަ ދުވަހު ނަން ހުށަހެޅުމުގެ ފުރުސަތު ހުޅުވާލަން އިލެކްޝަންސް ކޮމިޝަނުން ވަނީ ނިންމައިފަ އެވެ.
ވޯޓްލާ މީހުންގެ ލިސްޓް މިއަދު ގެޒެޓްކުރި ނަމަވެސް އިންތިހާބުގައި ވާދަ ކުރާނެ ކެންޑިޑޭޓުންގެ އަދަދާއި، ވޯޓް ފޮށި ބަހައްޓާނެ އަދަދު އިލެކްޝަންސް ކޮމިޝަނުން އަދި ހާމަކޮށްފައެއް ނުވެ އެވެ.