ރާއްޖޭގެ އެއް ނަމްބަރު ގޯލް ކީޕަރު އިމްރާން މުހައްމަދު 17 އަހަރަށް ފަހު ގައުމީ ޓީމަށް ކުޅުން ހުއްޓާލައިފި އެވެ. އަހަރަށްފަހު
ގައުމީ ޓީމަށް ކުޅުން ހުއްޓާލިކަން އޭނާ އިއުލާން ކުރީ ފޭސްބުކްގަ އެވެ.
ދެހާސް ވަނަ ގައުމީ ޓީމަށް ކުޅެން ފެށި އިމްރާން ވަނީ މިހާތަނަށް 111 މެޗް ރާއްޖޭގެ ގައުމީ ޓީމަށް ކުޅެފަ އެވެ.
އޭނާ ބުނީ ގައުމީ ޓީމާ ދުރަށް ދާން ނިންމި ނިންމުމަކީ ޒުވާން ކީޕަރުންނަށް ފުރުސަތު ދިނުމުގެ ގޮތުން ކަމަށެވެ.
"ޒުވާން ކީޕަރުންނަށް އަހަރެން އިތުބާރު ކުރަން. އަހަރެން ޤަބޫލް ކުރާ ގޮތުގައި އެކުޅުންތެރިންނަށް މޮޅު ކުޅުމެއް ދެއްކޭނެ." އދ. މަހިބަދޫ އަށް އިމްރާން ބުންޏެވެ.
ގައުމީ ޓީމްގެ ކެޕްޓަން ކަންވެސްކޮށްފައިވާ އިމްރާން މުހައްމަދަކީ ސާފް ޗެމްޕިއަންޝިޕް ރާއްޖެ ކާމިޔާބުކުރި ޓީމްގެ ގޯލް ބެލެހެއްޓި ހުށިޔާރު ކީޕަރެވެ.
އިމްރާން ޤައުމީ ޓީމަށް ކުޅުން ހުއްޓާލާފައި މިވަނީ އޭނާގެ ކެޕްޓަން ކަމުގެ ދަށުން އޭޝިއަން ކަޕް ކޮލިފައިން ގްރޫޕް ސްޓޭޖަށް ރާއްޖެ ކޮލިފައިކޮށް ދިނުމަށް ފަހުކަން ފާހަގަކޮށްލެވެ އެވެ.