ބޮލީވުޑްގެ ކުރީގެ މަޝްހޫރު ބަތަލާ އަދި އެކްޓަރު އަކްޝޭ ކުމާރުގެ އަންހެނުން ޓްވިންކަލް ކަންނާ ދެވަނަ ފޮތެއް ނެރެން ތައްޔާރުވެއްޖެ އެވެ.
އޭނާ ވަނީ ފޮތުގެ ނަމާއި ފޮތުގެ ކަވަރު ވެސް ޓްވިޓާ މެދުވެރިކޮށް ފޭނުންނާ ހިއްސާކޮށްފަ އެެވެ.
މިދިޔަ އަހަރު "މިސިޒް ފަނީބޯންސް" ގެ ނަމުގައި ފޮތެއް ނެރުނު ބަތަލާ އަލަށް ނެރޭ ފޮތުގެ ނަމަކީ "ދަ ލެޖެންޑް އޮފް ލަކްޝްމީ ޕްރަސާދު" އެވެ.
މި ފޮތުގައި ހިމެނެނީ ހެއްވާ މަޖާ ހާދިސާތަކެއް ކިޔައިދޭ ވާހަކަތަކެވެ.
ޓްވިންކަލް ބުނީ ފޮތަށް ޕްރިއޯޑަ ކުރުމުގެ ފުރުސަތު ވެސް މިހާރު އެމޭޒަން އާއި ފްލިޕްކާޓް ފަދަ ވެބްސައިޓް މެދުވެރިކޮށް ކުރިއަށް ގެންދެވޭނެ ކަމަށެވެ.
Crossing my toes:) Pre-order Amazon & Flipkart-1st week of Nov #TheLegendOfLakshmiPrasad https://t.co/jT8CkFgCSw https://t.co/r9XSnWIrjf pic.twitter.com/Sz6kJHGmr0
— Twinkle Khanna (@mrsfunnybones) October 12, 2016
"ދަ ލެޖެންޑް އޮފް ލަކްޝްމީ ޕްރަސާދު" ބާޒާރަށް ނެރެނީ އަންނަ މަހުފެ ފުރަތަމަ ހަފުތާގެ ތެރޭގަ އެވެ.
"ބަރުސާތު" އިން ބޮލީވުޑަށް ނިކުމެ "ބާދް ޝާހް" އާއި "މޭލާ" ފަދަ ފިލްމްތައް ކުޅެފައިވާ ޓްވިންކަލް މިދިޔަ އަހަރު ނެރުނު "މިސިޒް ފަނީބޯންސް" އަކީ އާންމުންގެ މެދުގައި ވަރަށް މަގުބޫލުވި ފޮތެކެވެ.
މިހާރު ފިލްމް ކުޅުން ހުއްޓާލައިފައިވާ ޓްވިންކަލްއަކީ ސްޕަސްޓާ ރާޖޭޝް ކަންނާ އާއި ބަތަލާ ޑިމްޕަލް ކަޕާޑިއާގެ ދޮށީ އަންހެން ދަރި އެވެ.