ޓީވީއެމުން ބާއްވާ "މޯލްޑިވިން އައިޑޮލް" ސީޒަން ދޭއްގެ އޮޑިޝަން މާދަމާ އައްޑޫގައި ފަށަން ނިންމައިފި އެވެ.
އޮޑިޝަން އޮންނާނީ ހިތަދޫގައި ހުންނަ އައްޑޫ ސިޓީ ކައުންސިލް އިދާރާގަ އެވެ. އޮޑިޝަން ފަށާނީ ހެނދުނު 10:00 ގަ އެވެ.
ޓީވީއެމުން ބުނީ އޮޑިޝަންގައި ބައިވެރިވާން އެސްއެމްއެސްކޮށްފައިވާ މީހުންގެ އިތުރަށް، މުބާރާތުގައި ބައިވެރިވާން ބޭނުންވާ މީހުން ކައުންސިލް އިދާރާ އަށް މާދަމާ ދިއުމުން އޮޑިޝަންގައި ބައިވެރިވޭނެ އިންތިޒާމް ހަމަޖެހިފައި ހުންނާނެ ކަމަށެވެ.
"މޯލްޑިވިއަން އައިޑޮލް" ސީޒަންގެ ދޭއްގެ އޮޑިޝަންގައި އައްޑޫގައި ބާއްވަނީ ފުވައްމުލަކުގެ ބައިވެރިންގެ އޮޑިޝަނާ ވެސް އެކުގަ އެވެ.
މި މުބާރާތުގެ ފުރަތަމަ ސީޒަންގެ އޮޑިޝަން ވެސް މިދިޔަ އަހަރު ފެށީ އައްޑޫންނެވެ.
"މޯލްޑިވިއަން އައިޑޮލް" ސީޒަން ދޭއްގެ ޖަޖުންނަކީ މަރިޔަމް އުނޫޝާ (ކިޑީ)، އިބްރާހީމް ޒައިދު އަލީ (ކުޑަ އިއްބެ) އަދި އިސްމާއީލް އައްފާނެެވެ