މަޝްހޫރު ދީނީ އިލްމުވެރިއާ ޝެއިހް އިލްޔާސް ހުސެއިންއަށް ސަރުކާރުން ދީފައިވާ ދީނީ ނަސޭހަތް ދިނުމުގެ ހުއްދަ މިއަދު ބާޠިލްކޮށްފި އެވެ.
އިލްޔާސްއަށް ދީފައިވާ ހުއްދަ ބާޠިލް ކުރި ސަބަބެއް އަދި ސާފެއް ނުވެ އެވެ.
ނަމަވެސް އިލްޔާސް ވަނީ މިދިޔަ ހުކުރު ދުވަހު ފޭދޫ ހުކުރު މިސްކިތުގައި އިމާމްވެ ހުކުރު ނަމާދުކޮށްފަ އެވެ.
ހުކުރު ދުވަހުގެ ހުޠުބާގައި އިލްޔާސް ވަނީ ފާޅުގައިﷲގެ ހުކުމްތަކާއި ހިލާފްވެ، ގައުމުގެ އެންމެ މަތީވެރިޔާއިންވެފށިގެން ސަރުކާރުގެ ތެރޭގައި ކަރަޕްޝަން އާއްމުވެއްޖެ ނަމަ އެބައެއްގެ ތެރޭގައި ކާބޯތަކެތީގެ އަގު އުފުލިގެންދާނެ ކަމަށް ވިދާޅުވެ، އެކަން މިގައުމުންވެސް ފެންނަމުން އަންނަކަމަށް ވިދާޅުވެފަ އެވެ.
އިލްޔާސްގެ ހުއްދަ ބާޠިލްކޮށްފައިވާ އިރު، އޭނާ އަކީ އަދިވެސް ގިނަ ދިވެހިންގެ މެދުގައި ވަރަށް މަގްބޫލް ބޭފުޅެކެވެ.