ރާމް ގޯޕާލް ވަރްމާ (އާރްޖީވީ) ގެ އެންމެ ކާމިޔާބު ފިލްމުތަކުގެ ތެރޭގައި ހިމެނޭ ސިޔާސީ ޑްރާމާ "ސަރުކާރު" ގެ ތިން ވަނަ ފިލްމުގެ ކާސްޓުން ދައްކާލައިފި އެވެ.
ކުރީގެ ދެ ފިލްމެކޭ އެއްގޮތަށް "ސަރުކާރު 3" ގެ އެންމެ މުހިއްމު ކެރެކްޓާ މި ފަހަރު ވެސް ކުޅޭނީ އަމީތާބް ބައްޗަން އެވެ. އެހެން ނަމަވެސް ކުރީގެ ދެ ފިލްމުގައި ހިމެނޭ ތަރިން އާ އާ ފިލްމުގައި ނުހިމެނެ އެެވެ.
"ސަރުކާރު 2" ގައި އަމީތާބާ އެކު އަބިޝެކް ބައްޗަން އަދި އައިޝްވާރި ރާއީ ބައްޗަން ވެސް ފެނިގެން ގޮސްފައިވެ އެވެ.
Jackie Shroff in Sarkar 3 pic.twitter.com/6uHhl7ysyN
— Ram Gopal Varma (@RGVzoomin) October 16, 2016
"ސަރުކާރު 3" ގެ ކާސްޓުންގެ ތެރޭގައި މި ފަހަރު ހިމެނެނީ އާރްޖީވީގެ "ރަންގީލާ" ގެ އެކްޓަރު ޖެކީ ޝްރޮފާއި "ސަތިއާ" ގެ އެކްޓަރު މަނޯޖް ޕަޖްބާއީގެ އިތުރުން އަމިތު ސާދާއި ޔަމީ ގޯތަމް އަދި ރޯނިތު ރޯއި (ބަޖާޖް) އެވެ.
މި ތަރިން ފިލްމުގައި ފެނިގެންދާ ކެރެކްޓާތަކުގެ ނަންތަކާ އެކު އާރްޖީވީ ވަނީ ޓްވީޓްކޮށް ކާސްޓުން ތައާރަފުކޮށް ދީފަ އެވެ.
Yami Gautam plays a character who wants to take revenge on Sarkar for killing her father pic.twitter.com/XmRBMfNhNX
— Ram Gopal Varma (@RGVzoomin) October 16, 2016
"ސަރުކާރު 3" ގެ ޝޫޓިން ވަރަށް އަވަހަށް ފެށުމަށް ނިންމާފައިވާ އިރު، އިންޑިއާގެ އިތުރުން ބޭރުގައި ވެސް ފިލްމުގެ މަންޒަރުތަކެއް ނަގާނެ އެވެ.
އެހެން ނަމަވެސް ފިލްމް ރިލީޒް ކުރާނެ ތާރީހެއް އަދި އިއުލާނެއް ނުކުރެ އެވެ.