ސްރީލަންކަންގެ ދަތުރުތައް މުޅިން އަލަށް ފަށާ 11 މަންޒިލްގެ ތެރޭގައި އައްޑޫ ހިމަނައި އެ އެއާލައިނުން އިޝްތިހާރު ކުރަން ފަށައިފިއެވެ.
ސްރީލަންކަންގެ ރަސްމީ ފޭސްބުކްގައި ހިއްސާ ކޮށްފައިވާ އިޝްތިހާރުގައި މުޅިން އަލަށް އެއާލައިން ދަތުރު ފަށާ މަންޒިލްގެ ތެރޭގައި އައްޑޫގެ އިތުރުން ދެން ހިމެނެނީ ޝީޝެލްސް އާއި ޖަކާޓާ، އިންޑިއާގެ މަދުރާއި، އަދި ބަހްރައިން، މަސްކަތު، އިންޑިއާގެ ގަދީމީ އަވަށެއް ކަމަށްވާ ބޮދްގަޔާ، ވަރަނާސި، އަދި ބަންގްލަދޭޝްގެ ޑާކާ، އިންޑިއާގެ ކަލްކަތާ، އަދި ޕާކިސްތާންގެ ލާހޯރެވެ.
ލާހޫރުގެ ދަތުރުތައް ވަނީ މިދިޔަ މަހުގެ 27ގައި ފަށައިފަ އެވެ.
ސްރީލަންކަންއިން އަންނަނީ އައްޑު އަަތޮޅު ގަމާއި ކޮލަމްބޯ ދެމެދު ދަތުރުތައް އަންނަ ޑިސެމްބަރު މަހުގެ 1 ވަނަ ދުވަހަށް ތާވަލްކޮށްފައެވެ.
ސްރީލަންކަން އިން ބުނީ ގަމާއި ކޮލަމްބޯ ދެމެދު ހަފްތާ އަކު 4 ދުވަހު ދަތުރު ބާއްވާ އިރު ސްރީލަންކަން މެދުވެރިކޮށް އެ އެއާލައިން ދަތުރުކުރާ ހުރިހާ މަންޒިލްތަކަށް އައްޑޫން ޓިކެޓް ވިއްކާނެ ކަމަށެވެ.