އަމީނިއްޔާ ސްކޫލުގެ މިިދިޔަ އަހަރު ހުރިހާ ގޮތަކުން އެންމެ މޮޅު ދަރިވަރަކަށް އާމިނަތު އިބާނާ ޝާހިދު ރޭ ހޮވިއްޖެ އެވެ.
އިބާނާއަކީ ރައްޔިތުންގެ މަޖިލީހުގެ ހުޅުދޫ ދާއިރާގެ ޕީޕީއެމްގެ މެމްބަރު މުހައްމަދު ޝާހިދު (ޝާޑް) ގެ ދަރިއެކެވެ.
މިދިޔަ އަހަރު އަމީނިއްޔާ ސްކޫލުގެ ކެޕްޓަންކަން ވެސް ކުރި އިބާނާ ވަނީ އޯލެވެލް އިމްތިހާނުގެ ހުރިހާ މާއްދާއަކުން އޭ ހޯދައިގެން ޓޮޕް 10 ގެ އެއް ވަނަ ވެސް ހޯދައިފަ އެވެ.
އޭނާއަށް ރޭ އިނާމް ހަވާލުކޮށް ދެއްވީ އިނާމު ދިނުމުގެ ހަފުލާގެ ޝަރަފުވެރިމެހެމާން، ފެނަކަ ކޯޕަރޭޝަންގެ މެނެޖިން ޑިރެކްޓަރު އަހުމަދު ޝަރީފެވެ.
ސީއެޗްއެސްސީގައި މިހާރު އޭ ލެވެލަށް ކިޔަވަމުން އަންނަ އިބާނާ ރޭ "މިހާރު" އަށް ދިން އިންޓަވިއުއެއްގައި ބުނީ ރަނގަޅު ނަތީޖާއެއް ހޯދަން ކޮންމެ ދުވަހަކު ވެސް ފިލާވަޅުތައް ދަސްކުރާ ކަމަށެވެ. އަދި އެންމެ މޮޅު ދަރިވަރުގެ މަގާމަށް ދާން ވަރަށް މަސައްކަތްކުރި ކަމަށް ބުންޏެެވެ.
އޭނާ އަދި ބުނީ އަމަލީ ގޮތުން ކަންކަން ދަސްކުރުމަކީ ޓެސްޓުތައް ފަސޭހައިން ހަދާލެވޭ ކަމެއް ކަމަށެވެ.
އިބާނާގެ މިހާރުގެ އަމާޒަކީ އޭ ލެވެލްގެ ގަދަ 10ގެ އެއް ވަނަ ހޯދައިގެން ރައީސް ޔާ ދެއްވާ ސްކޮލަޝިޕް ވެސް ހޯދުމެވެ. އޭނާ ކުރިއަށް ދާން ވިސްނައިގެން ހުރީ އެކައުންޓިންގެ ދާއިރާއިންނެެވެ.