އައްޑޫގެ މިސްކިތަކުގެ 10 މަގާމަކަށް އިމާމުންނާއި އިސް އިމާމުންނާއި މުދިމުން ހޯދަން އިސްލާމިކް މިނިސްޓްރީން އިއުލާންކޮށްފި އެވެ.
އެ މިނިސްޓްރީގެ އިއުލާނެއްގައިވާ ގޮތުން އިމާމުންނާއި މުދިމުންނާއި އިސް މުދިމުން ހޯދަން ބޭނުންވާ ގޮތަށް ބަލާ އިރު ހިތަދު އަަށް ބޭނުން ވަނީ ހަތަރު މީހުންނެވެ.
އަދި ފޭދު އަށް ދެ މީހުންނާއި ހުޅުދު އަށް ތިނެއް އަދި މީދު އަށް އެކަކު ބޭނުންވެ އެވެ.
އެހެންވެ މަގާމުތަކަށް ޝައުގުވެރިވާ އަދި ޝަރުތު ހަމަވާ ފަރާތްތަކަށް ކުރިމަތިލުމުގެ ފުރުސަތު އަންނަ މަހުގެ 2 ވަނަ ދުވަހާ ހަމައަށް އިސްލާމިކް މިނިސްޓްރީން ވަނީ ހުުޅުވާލައިފަ އެވެ.
މިނިސްޓްރީން އަދި ބުނީ ވަޒީފާތަކަށް އެދި މިނިސްޓްރީގެ އިތުރުން އައްޑޫގައި ހުންނަ އިސްލާމިކް މިނިސްޓްރީގެ ޔުނިޓަށް ވެސް ހުށަހެޅޭނެ ކަމަށެވެ.