ރިތިކް ރޯޝަން އާއި ޔަމީ ގޯތަމް ލޯ އަނދިރި ބައެއްގެ ރޯލުން ފެނިގެންދާ ފިލްމް "ކާބިލް" ގެ ޓްރެއިލާ ރިލީޒްކޮށްފި އެވެ.
މި ފިލްމަކީ ރިތިކް އާއިލީ ފިލްމް ކުންފުނި ފިލްމްް ކްރާފްޓުން ބައްޕަ ރާކޭޝް ރޯޝަން ޕްރޮޑިއުސްކޮށް، ސަންޖޭ ގުޕްތާ ޑައިރެކްޓްކޮށްފައިވާ ފިލްމެވެ.
ސަންޖޭ އެެންމެ ފަހުން ބެލުންތެރިންނާ ހަމައަށް ގެނެސް ދިނީ އައިޝްވާރިއާ ރާއީ އެނބުރި ފިލްމީ ދާއިރާ އަށް ނިކުތް ފިލްމް "ޖަޒްބާ" އެވެ.
"ކާބިލް" އަކީ ލޯ އަނދިރި ދެ ލޯބިވެރިންގެ އާދަޔާހިލާފު ވާހަކަތަކެއް ކިޔައިދޭ އަސަރު ގަދަ ފިލްމެކެވެ. މިއީ ރިތިކާއި ޔަމީގެ ޖޯޑު ބޮޑު ސްކްރީނަށް އަންނަ ފުރަތަމަ ފަހަރު ވެސް މެ އެވެ.
ރިތިކް އެންމެ ފަހުން ކުޅުނު "މޮހެންޖޮ ދާރޯ" ވެސް ފްލޮޕްވެފައިވާތީ "ކާބިލް" ހިޓްވުމަކީ އޭނާ އަށް ވަަރަށް މުހިއްމު ކަމަކަށް ވާނެ އެވެ.
"ކާބިލް" ސިނަމާތަކަށް އަންނާނީ އަންނަ އަހަރުގެ ޖެނުއަރީ 26 ގަ އެވެ.