ބަންދުނުކޮށް ހުންނަ ހިކި މޭވާތައް ގަންނަ ކަމުގައި ވަނީނަމަ ސަމާލުވާން ޖެހޭނެއެވެ. ހިކި މޭވާތަކަކީ ގިނަ ދުވަހަށް ރައްކާ ކުރެވޭނެ އެއްޗެހި ކަމުގައިވިޔަސް، ރަނގަޅަށް ރައްކާނުކުރެވިއްޖެނަމަ، އެއެއްޗެހި ކެއުމުގެ ސަބަބުން ބަލިތައް ފެތުރުމުގެ ފުރުސަތު އެބަ އޮތެވެ.
ބަންދުނުކޮށް ހުންނަ ހިކި މޭވާތަކަކީ އާންމުކޮށް އާދައިގެ ދަނޑުތަކުން އަންނަ އެއްޗެހި ކަމަށްވުމާއިއެކު، އެއީ ނުރައްކާތެރި އެއްޗަކަށް ވުމަކީ އެކަށީގެންވާ ކަމެކެވެ.
1. ކުލަ ބަދަލުވުން
ހިކި މޭވާތަކުގެ ކުލައަށް އަންނަ ބަދަލުތަކަށް ވިސްނާށެވެ. އެއީ އެމޭވާ ހަލާކުވާނަމަ، އޭގެ ޤުދުރަތީ ކުލައަށްވުރެ ގަދަ ކުލައަކަށް ބަދަލުވެގެން ދާނެތީއެވެ.
2. ހެފުމަށް އުނދަގޫވުން
އެޕްރިކޮޓްސް، ޕްރޫންސް އަދި ފިގްފަދަ މޭވާތައް ހެފުމަށް އުނދަގޫވާނަމަ، އޭގެ މާނައަކީ އެމޭވާތަކަށް މާ ދުވަސްވެއްޖެ ކަމެވެ.
3. ކުނިވަސް ދުވުން
ކުނިވަސް ދުވުމަކީ އެމޭވާ ރަނގަޅަށް ރައްކާނުކުރެވި، އޭގައި ބެކްޓީރިއާތައް އުފެދެން ފަށާފައިވާކަމުގެ އެންމެ ބޮޑު ހެއްކެވެ.
4. ގެރެންޓީ ހަމަވާ ތާޜީޚް ނެތުން
ރަނގަޅަށް އިންތިޒާމްކުރެވިފައި ނުވާ ސެކްޓަރުން ގެންނަ ހިކި މޭވާތައް އާންމުކޮށް ހުންނާނީ ބަންދު ނުކޮށް އެހެންނޫނީ އާދައިގެ ފޮށިތަކުގައި ބަންދުކޮށްފައެވެ. އެހެންކަމުން އޭގައި ގެރެންޓީ ހަމަވާ ދުވަހެއް ޖަހާފައި ނޯންނާނެއެވެ. ގަންނައިރު ގަންނަންވާނީ އެކްސްޕަޔަރީ ޑޭޓް ޖަހާފައި ހުންނަ ހިކި މޭވާތަކެވެ. އެމޭވާ ވިއްކަނީ ލައިސެންސް ލިބިފައިވާ އޮރިޖިނަލް ކުންފުންޏެއްތޯ ޗެކްކުރުމަށްޓަކައި އަބަދުވެސް ފޮށީގެ ބޭރު ކިޔަންވާނެއެވެ.
5. އިތުރު އެއްޗެހި އަޅާފައިހުރުން
އިތުރު ޕްރިޒާވެޓިވްސްއާއި ހަކުރު އަޅާފައި ހުންނަ ހިކި މޭވާ ނުގަންނާށެވެ.