އެމެރިކާގެ ތާރީހުގައި އުފެދުނު އެންމެ މޮޅު ސްނައިޕާ ކްރިސް ކައިލް މިދިޔަ ހޮނިހިރު ދުވަހުގެ ވަގުތެއްގައި މަރާލައިފި އެވެ.
އެމެރިކާ ގަޑިން 3:30 ގައި އޭނާ އަށް ހަމަލާ ދީ މަރާލީ ކުރީގެ ނޭވީގައި މަސަތްކަތް ކުރި މީހެއް ކަމަށް ރިޕޯޓްތައް ބުނެ އެވެ. އަދި އޭނާ އަށް ހަނގުރާމަ އަށް ފަހު ޕޯސްޓް ޓްރޮމެޓިކް ސްޓްރެސް ސިންޑްރޯމް ޖެހިފައިވާ ކަމަށް ފުލުހުން ބުނެ އެވެ.
ކްރިސް ކައިލް އަކީ ރިޓަޔަޑް ނޭވީގެ ސީލް އެކެވެ. އޭނާ ވަނީ 1999 ވަނަ އަހަރުން ފެށިގެން 2009 ވަނަ އަހަރާއި ހަމައަށް ނޭވީގައި މަސައްކަތް ކޮށްފަ އެވެ. އަދި އެ މުއްދަތުގައި 150 މީހުންނަށް ވުރެ ގިނަ މީހުން ސްނައިޕްކޮށް މަރާލާފަ އެވެ.
އޭނާ ބުނެފައިވާ ގޮތުގައި އޭނާ ވަޒީފާ ދޫކޮށްލީ އޭނާގެ އާއިލީ ދިރިއުޅުން ސަލާމަތް ކުރުމަށެވެ. ވަޒީފާ ދޫކުށްލި އިރު އޭނާ އަތުގައި 2 ސިލްވާ ސްޓާ އާއި 5 ބްރޮންޒް ސްޓާ އަދި 3 ނޭވީ އެންޑް ކޯޕްސް މެޑަލް އޮތެވެ.
ނޭވީ އިން ވަކިވުމަށް ފަހު އޭނާ ވަނީ އަމިއްލަ ސެކިއުރިޓީ ފާމެއް ހަދާފަ އެވެ. އަދި ފޮތެއް ވެސް ޝައިރު ކޮށްފަ އެވެ. އެމެރިކަން ސްނައިޕާރ ނަމަކަށް ކިޔާ މި ފޮތް ވަނީ ނިއުޔޯކް ޓައިމްސްގެ ބެސްޓް ސެލާރގެ މަގާމް ހޯދާފަ އެވެ.