ބޮލީވުޑްގެ ހަބަރުތައް ގެނެސްދޭ އެންމެ މަޝްހޫރު އެއް އޮންލައިން ނޫސް ކަމަށްވާ ބޮލީވުޑް ހަންގާމާ އާ ގުޅިގެން، އެ ސައިޓްގެ މަގްބޫލް މޮބައިލް އެޕްލިކޭޝަނެއް ހަންގާމާ މިއުޒިކް ޕްރޯ ރާއްޖެ އަށް އުރީދޫން ތައާރަފްކޮށްފި އެވެ.
އެ އެޕްލިކޭޝަން މެދުވެރިކޮށް ހަންގާމާ ޕްރޯ ފަސޭހަކަމާ އެކު ތަޖުރިބާކު ރުމުގެ ފުރުސަތު ލިބި، ބޮލީވުޑް އަދި އިންޓަނޭޝަނަލް ޗާޓުތަކުން ހޮވާލެވިފައިވާ 3.5 މިލިއަންއަށް ވުރެ ގިނަ ލަވަ އަޑު އަހައި، އެ ލަވަތައް ޑައުންލޯޑް ކުރުމުގެ ފުރުސަތު ލިބިގެން ދާނެ ކަމަށް އުރީދޫން ބުންނެވެ.
އެ ކުންފުނިން އަދި ބުނީ ހަންގާމާ ޕްރޯ އަށް އަޕްގްރޭޑް ކުރުމާ އެކު، ހައި ކޮލިޓީގައި އެތައް މިލިއަން އޯޑިއޯއެއް ޑައުންލޯޑް ކުރުމުގެ ފުރުސަތު ލިބި، އެންމެ ކަމުދާ ލަވަތައް އޮފްލައިންކޮށް ވެސް އަޑު އަހާލުމުގެ ފުރުސަތު ލިބިގެން ދާނެ ކަމަށެވެ.
މީގެ އިތުރުން އަދި އެއްވެސް އިސްތިހާރެއް ނުވަތަ މެދުކެނޑުމަކާ ނުލައި، މިއުޒިކް އަޑު އަހާލުމުގެ ފަސޭހަކަން ވެސް ކަސްޓަމަރުންނަށް ހަންގާމާ ޕްރޯ އިން ލިބިގެން ދާނެ ކަމަށް ވެސް އުރީދޫން ބުންޏެވެ.
މި އެޕް އަށް ސަބްސްކްރައިބް ކުރުމަށް ތިން ޕެކޭޖެއް އުރީދޫން ވަނީ ތައާރަފްކޮށްފައެވެ.
އެއީ ޑެއިލީ، ވީކްލީ އަދި މަންތްލީ ޕެކެޖުތަކެކެވެ.