ޕީޕީއެމްގެ ރައީސް މައުމޫން އަބްދުލް ގައްޔޫމްގެ ފެކްޝަނުން ބޭނުން ކުރަމުން ދިޔަ އެ ޕާޓީގެ މައި އޮފީހަށް ވަދެ، އެ ތަނުގައި ހުރި ހަރު މުދާ ރައީސް އަބްދުﷲ ޔާމިންފެ ފެކްޝަނުން ގެންދިޔަ ގެންދިއުމަކީ ވައްކަމެއް ނޫންތޯ މައުމޫން ސުވާލު އުފައްދަވައިފި އެވެ.
ރޭ އިރާކޮޅު ވަގުތެއްގައި ޕާޓީގެ އޮފީސް "ލޫޓްވާލި" މައްސަލާގައި މައުމޫން ކުރެއްވި ޓްވީޓެއްގައި ވިދާޅުވީ ކޮން ބައެއްކަން ނޭނގޭ ބަޔަކު ޕީޕީއެމްގެ އޮފީސް ގަދަކަމުން ހުޅުވައި އެތަނުގައި ހުރި މުދާތައް ޓްރަކްތަކުގައި ގެންގޮސްފައިވާ ކަމަށެވެ.
އެހެންވެ އެއީ ވައްކަމަކަށް ނުވާނެތޯ މައުމޫން ވަނީ ސުވާލު އުފައްވައިފަ އެވެ.
ރައީސް ޔާމީންގެ ފެކްޝަނުން ހިންގި މި އަމަލާ ގުޅުވައިގެން މައުމޫން ވައްކަމުގެ ވާހަކަ ދެއްކެވުމުން އެކަމުން ދޭހަވަނީ މިހާރުގެ ސަރުކާރަކީ ކޮންމެ ކަމެއްގައި ވެސް ވައްކަމާއި މަކަރާއި ހީލަތް ހަދާ ސަރުކާރެއްކަން ކަމަށް ގިނަ ބަޔަކު އަންނަނީ ބުނަމުންނެވެ.
Some unknown characters have forced open PPM office and are taking away things in trucks. Isn't this robbery?
— Maumoon Abdul Gayoom (@maumoonagayoom) October 28, 2016
ސަރުކާރަށް ކުރައްވަމުން ގެންދެވި ތާއީދު އަނބުރާ ގެންދެވިކަން މައުމޫން އިއްޔެ ރޭ އިއުލާން ކުރެއްވި އިރު ވެސް، ރާއްޖޭގައި މިހާތަނަށް ހިންގާފައިވާ އެންމެ ބޮޑު ކޮރަޕްޝަންގެ މައްސަލަ ފެންމަތިވެފައި ވަނީ މި ސަރުކާގެ ތެރެއިންކަން ފާހަގަ ކުރައްވާފައިވެ އެވ.
މީގެ އިތުރުން ވެސް ރައީސް ޔާމީނާއި އެ މަނިކުފާންގެ އަނބިކަނބަލުން މެޑަމް ފާތުމަތު އިބްރާހީމްްގެ މައްޗަށް ތުހުމަތު ކުރެވޭ ބޮޑެތި ހިޔާނާތުގެ މައްސަލަތަކެއް ހުރިކަން ގިނަ ބަޔަކު ފާހަގަ ކުރެ އެވެ.