ހިތަދޫ ފާސްޓް ފުޑް ރެސްޓޯރަންޓުން "ލިޓަސް ފާސްޓް ފުޑް ޕްރޮމޯ 2016" ގެ ނަމުގައި ކުރިއަށް ގެންދިޔަ ޕްރޮމޯޝަންގައި އެއް ވަނަ އިނާމަކަށް ހުށަހެޅި ސައިކަލްގެ ނަސީބުވެރިއަކަށް ހިތަދޫ ބީޗް މަރިޔަމް އައިކާ ހަލީލް ހޮވިއްޖެ އެވެ.
އައިކާ އާ ފާސްޓް ފުޑުން މިހާރު ވަނީ ސައިކަލް ހަވާލުކޮށްފަ އެވެ.
މި ޕްރޮމޯޝަނުގައި ގުރުއަތުން އިނާމް ލިބުނު ފަރާތްތައް ހޮވާފައި ވަނީ ސެޕްޓެމްބަރު މަހުގެ 29 ވަނަ ދުވަހު ބޭއްވު ހާއްސަ ހަފުލާއެއްގަ އެވެ.
އެހެން ނަމަވެސް އިނާމް ނަސީބުވެރިންނާ ހަވާލު ނުކުރެވި ލަސްވެގެން ދިޔައީ އެ މީހުން ހިފައިގެން ނުދާތީ ކަމަށް ފާސްޓް ފުޑުން ބުންޏެވެ.
ޕްރޮމޯޝަނުގައި ތިން ވަނަ އަށް ދޫކޮށްލި 40 އިންޗީގެ ލެޑް ޓީވީ ލިބުނީ ހިތަދޫ ޝޭޑީ ގްރޯ އައިޝަތު އަލިދީދީއަށެވެ.
އެއް ވަނަ ނަސީބުވެރިޔާ އާއި ތިން ވަނަ ނަސީބުވެރިޔާ ފިޔަވައިގެން އެހެން ނަސީބުވެރިން ކޫޕަންކޮޅު ހިފައިގެން ނުދާތީ، ފާސްޓް ފުޑުން މިހާރު ވަނީ ބާކީ ހުރި އިނާމްތަކަށް ހާއްސަކޮށްގެން އަލުނަ ކުޑަ ޕްރޮމޯޝަނެއް ބާއްވަން ނިންމައިފަ އެވެ.
މިދިޔަ އެޕްރީލް މަހުން ފެށޮގެން އޮގަސްޓާ ހަމައަށް ކުރިއަށް ގެންދިޔަ ޕްރޮމޯޝަނުގެ ދެވަނަ އިނާމަކަށް ހައިޑްރޯ ހޯމް ޑެކޯއިން ހުށަހަޅާފައިވާ ސޯފާ ސެޓެކެވެ. ހަތަރު ވަނަ އިނާމަކަށް ޗާންދަލިޔާއިން ހުށަހަޅާފައި ވަނީ އޮޓޮމެޓިކް ދޮންނަ މެޝިނެކެވެ.
ފަސް ވަނަ އިނާމަކަށް ސްކައި ސިކްސްއިން ހުށަހަޅާފައިވާ މާލެ/ގަން ދެކޮޅު ޓިކެޓެވެ.